منوعات

بنت الصندوگ وعمليات التجميل..!

2722 2023-10-21

د.أمل الأسدي ||

 

تذكرت اليوم قصةً كانت ترويها أمي لنا، تحكي عن ثلاث بنات بلا حظ ولاجمال ولامال، كنّا نستمع إليها وهي تقول:

كان يا ما كان في قديم الزمان، اكو٣ بنيات، لا  معدلات  ولامرتبات، وشما يسون مو حلوات!

تعلمهن امهن وما يفيد!! وياهو اليشوفهن  يصيح الهجيج!

الصغيرة البيهن شسوت؟

جابت اللگن وبرت بي صابون رگي  وظلت تبري  وتبري ورشته من علی السطح لمن فات ابن السلطان! 

وظلت كل يوم تجيب اللگن وتعيد السالفة!

لحد ما گال هاي منو البنية؟ اذا المي التغسل بي هيچ!! لعد هيه شلونها؟؟

رجع للداية المربيته وطلب منها ان تروح لهم وتخطبها، والله صدگ الداية ما چذبت خبر، راحت الهم، وسألت أمها: منو الي تطش  مي اللگن  من السطح؟

فردت عليها الأم: گميره بنتي

الداية: خل نشوفها

الأم: ااابـــد ما عدنا بنات ينشافن، ابنيتي بنت الصندوگ، ما يشوفها الا ابيتهم وبغرفتها!

-الداية: يمعودة،، عدلي بدلي،، بس اني اشوفها

- الأم ابـــد ابد ما يصير

گتلچ بنتي، بت الصندوگ!

رجعت الداية وبلغت ابن السلطان، وگال ما كو غير حل!

وزفوا العروس بنت الصندوگ، وثاني يوم راحت امها وخواتها وايدهن علی گلبهن! 

وحده تگول للثانية راح يطردونا احنا وياها!

ولما وصلن القصر اتلگوهن بالهلاهل.. 

وگميره من هيچ تگول

تطلع الرگبة بلور

والعين چرخ الساتة 

والحلگ چنه زاغور!

وهاي الام اتخبلت هي وبناتها!!

هاي شلون صارت حلوه ومعدله؟؟؟شسوت؟ 

گالن الها احچي ولچ شسويتي؟؟ گالت والله كلشي ما سويت، هو من الله اني هيچ!

گالت اختها:.ولچ مو اروح اجيب البريگ واللگن المزنجر الي تبرين بي صابون وتطشي من يفوت  ابن السلطان!

- گميره: جيبي، شسويلچ

ورجعت الام والبنات حايرات، وردت ثاني يوم الها واخذت الابريگ واللگن وياها، واخذته گميره وضمته جوه الچرباية، وظلت اختها تسأل: احچي ولچ

شسويتي يامدهورة؟؟

وگميره تحلف كلشي ما مسوية!!

وظلن كل يوم يجيبن الها حاجة من حاجاتها الوسخة  وتضمها، ومن اتطلعها گدام عيالها تطلع جديدة!!

الی ان سمعت گميره صوت يحچي وياها:

گميره گميره: ولچ انه حظچ الحلو!

مو عبالچ انتي حلوه؟؟ من تجي اختچ گوليها  جابو نجار هنا يصلح البوب، ومن شافني نجرني وهيچ صرت حلوه! وخل يظلن يدورن علی نجار! 

وعاشت گميره عيشه سعيده!

أما الآن فالأمر مختلف، لاتحتاج الفتيات الی( بريگ ولگن وصابون رگي)  ولاتحتاج الی (صندوگ)فانتهی عهد بنات (الصندوگ) ولم نعد نسمع بـ(العين چرخ الساعة والحلگ چنه زاغور) ولاتحتاج الفتيات الی  نجار الحظ!

فكل الوجوه تتشابه، وكل الخدود تتشابه، وكل الشفاه تتشابه، وعيادات التجميل اليوم لا تُقارن بنجار قصة گميره!!  ولم تعد النساء تفكر في الغزل والنسيج والشيرازة والخياطة حتی تجمع بعض المال وتنفقه علی عيالها وبيتها؛ بل أصبحن يوفرن المال من أجل عمليات التجميل والشد والحقن والغمازات...الخ

ولم  يعد (الصندوگ) موجودا ولا الباب، ولا العيب، فالسناپ چات حاضر والتيك توك والريلز واللقطات والحالات ...الخ

الآن، ماذا تقولون؟ گميره أجمل لو نساء اليوم؟

وأيهما أشطر نجار گميره أم أطباء التجميل؟

ــــــــــــــــــــــــ

 

اشترك في قناة وكالة انباء براثا على التلجرام
https://telegram.me/buratha
اضف تعليقك
الاسم والنص والتحقق من الروبوت ضروري
الاسعار الرسمية للعملات مقابل الدينار
دينار بحريني 0
يورو 0
الجنيه المصري 0
تومان ايراني 0
دينار اردني 0
دينار كويتي 0
ليرة لبنانية 0
ريال عماني 0
ريال قطري 0
ريال سعودي 0
ليرة سورية 0
دولار امريكي 0
ريال يمني 0
التعليقات
أبو رغيف : بل أين كان يوم الأمس حين صالت وعربدت الطائرات ألتركية في منطقة ألشمال؟ هل هلعتم حين اسقطت ...
الموضوع :
تساؤلات لوزير الخارجية.."أين كنت عندما قصفت أمريكا قوات أمنية وسط بغداد؟"
حيدر : اللهم صل على محمد وال محمد الطيبين الطاهرين وعجل فرجهم والعن اعداىهم الوهابيه والصهاينه والدواعش والنواصب والبعثيه ...
الموضوع :
التلفزيون الإيراني: عملية استهداف العالم النووي فخري زاده ومدن ايرانية تمت من كردستان العراق
جبارعبدالزهرة العبودي : الاكراد العراقيين رغم انهم يعيشون على نفط الشيعة غير انهم يتعمدون توفير حواضن للإرهاب وعملاء الموساد الإسرائيلي ...
الموضوع :
الخارجية تستدعي القائم بالأعمال الإيراني في بغداد وتسلمه مذكرة احتجاج
مجيد الطائي : على الجميع الحذر كل الحذر من الشياطين مثيري الفتن بين الأديان المختلفة وبين مذاهب الدين الواحد ...
الموضوع :
كنيسة السريان الكاثوليك في العراق والعالم: ساكو تمادى بتصريحاته وكتاباته
ایرانی : رضوان الله تعالی علیه. اللهم ارزقنا توفیق الشهاده فی سبیلک بحق محمد و آله ...
الموضوع :
وكل لبيب بالإشارة يفهم..!
فاضل : السلام عليكم باعتقادي أن الحرب في فلسطين سوف تمهد بل تكون وسيله لضهور السفياني وباعتقادي الشخصي أنه ...
الموضوع :
حركة السفياني من بلاد الروم إلى العراق
الشيخ عبد الحافظ البغدادي : اشك كثيرا في الرواية التي تقول ان العرب كانوا اذا رزقوا بعشرة ابناء يتم قتل احدهم.. لم ...
الموضوع :
عبدالله والد الرسول محمد صلوات الله عليهم.. المظلوم والمغيب إعلاميا
شريف. الشامي : معلومات خطأ ولم يكن في السعوديه وليس لديه الجنسيه الامريكية مجرد احوازي لا اكثر ولا اقل ظهر ...
الموضوع :
أحمدالابيض من هو❗احمد الابيض المتحدث باسم التظاهرات في العراق ....؟!
دعاء الهاشمي : السلام على السيدة الجليلة بنت الفحول من العرب فاطمة بنت حزام الكلابية ورحمة الله وبركاته السلام عليكِ ...
الموضوع :
وفاة أم البنين (عليها السلام )
مصطفى الهادي : الله يرضى عنك اخ حيدر جواد ويمن عليك بالعلم ويفتح شآبيب رحمته لكم ويجعلكم من المقربين. ...
الموضوع :
الشيخ جلال الدين الصغير يشيد بالاعلامي الاستاذ حيدر جواد بعد نشره تقريرا حول حقيقة وجود ما يسمى بعلم النفس
فيسبوك