الباحث والاعلامي : قاسم بلشان التميمي
(عمي صبحكم الله بالخير) هكذا بدأ سائق الكوستر فرحان الغضبان كلامه مع الركاب ( العبرية) واضاف (يرحم والديكم ما أريد نقص بالكروة الاجرة) ، فرد عليه أحد الركاب قائلا ( عمي فرحان شنو هذا الكلام ، قابل احنه ما ندفع الك كروة) ، فقال له فرحان الغضبان ( انت ليش زعلان يابه ) ، فردعليه الراكب ، ( مو كلامك يزعل يا فرحان)، واضاف الراكب ( هسه انت ما دا تشوف اني لابس بدلة مال عمل ورايح أدور رزقي على باب ألله) ، فرد عليه فرحان الغضبان ( عمي الله يسهل عليك ويكفيك شر ابن ادم ) ، فقال له الراكب ( عمي ويستر على الجميع) ، بعد ذلك تدخلت أمرأة من العبرية اسمها ام جبار وقالت ( والله يا يمه مو المهم تلبس بدلة مال عمل او قاط ، لكن المهم شنو راح تقدم للناس وشلون راح تخدمهم !!) ، فقال لها فرحان الغضبان ( يابه ام جبار يعني القصد من كلامك انه مو مهم الانسان شنو يلبس لكن المهم شنو الراح يقدمه للناس ) ، فقالت ام جبار( اي والله المهم العمل والخدمة الصحيحة للناس ) ، وأضافت ام جبار مخاطبة فرحان الغضبان قائلة ( اكول فرحان انت ليش ما تلبس بدلة مال عمل ؟) ، فقال لها فرحان الغضبان ( يابه مو قبل أشوية اتفقنا انه مو المهم الانسان وخاصة المسؤول يلبس بدلة عمل او قاط ، لأن المهم والاهم هو عمل الانسان والخدمة التي يقدمها للمجتمع ) ، وأنتهت الحلقة بعد ان تساءل الجميع اذا كان العمل الجاد يتحدد بأرتداء بدلة العمل فهذا يعني ان امهاتنا وزوجاتنا واخواتنا عملهن غير جاد لأنهن لم يلبسن بدلة عمل !! واللبيب بالأشارة يفهم ، كما قال فرحان الغضبان في نهاية حلقة اليوم.
https://telegram.me/buratha
