الباحث والاعلامي : قاسم بلشان التميمي
وتستمر حكايات الكوستر برعاية فرحان الغضبان سائق الكوستر (الذيب) ، وفي كل حكاية شيء جديد ، ولكن جديد حكاية اليوم جديد بكل المقاييس لانه جديد لم يخطر حتى على فكر أبليس ، هكذا كان رد فرحان الغضبان على احد العبرية الذي اسمه ( ابو راس) ، وسمي الراكب بهذ الاسم (ابو راس) ، بعد ان طلب من العبرية ان يسمحوا له بالكلام والتعبير عن ما في راسه من افكار ، فقالت له امرأة من العبرية (عمي ابوراس احجي خل نسمع ) ، فضحك الجميع حتى التخمة من كلام الحجية ، وقال ابوراس ( انا اكول لو ان الانسان يبدأ شيخ كبير) فردت عليه المراة يعني ( شيخ مال عرب لو شيخ مال دين لو شنو) ، فرد عليها ابو راس ( لا حجية اقصد ازلمة جبير بالعمر وبعدين يصغر أشوية أشوية يعني يرجع عمره بالعكس حيث يتحول من الشيخوخة الى مرحلة الشباب المتأخرة ومن ثم يرجع الى حالة الشباب ويرجع الى المراهقة ثم الى الطفولة) ، فقالت له الحجية ( يا صخام هاي شلك بيهه الحجاية) ، فرد عليها فرحان الغضبان ( حجية يرحم ابوج وامج خل ابو راس يكمل خل نفتهم) ، فقالت له الحجية ( عيني فرحان هسه اني لازمته خل يكمل) ، وكمل ابو راس كلامه وقال( وبعد ما يتحول الانسان من مرحلة الى مرحلة اصغر واصغر يختفي ويروح) ، فقال له فرحان الغضبان ( زين شنو راح يستفاد الانسان اذا يبدأ حياته بالعكس) ، فقال ابوراس ( اذا يبدا الانسان حياته بالعكس راح تصير الامور عكس ما عليها الان ) ، فصمت فرحان الغضبان واصيب بالدهشة والحيرة وقال ( يعني اذا ينعكس الحال اكيد الامور راح تصير افضل ) ، فردت المراة وقالت ( يمه فرحان هاي اشبيك هي الدنيا تمشي بالعكس قابل احنه ما نعرف حتى ابو راس يكول الدنيا بالعكس ) ، فقال لها فرحان الغضبان ( حجية ابو راس يقصد عكس العكس ) ، وكان ضمن العبرية مدرس رياضيات حيث تدخل في الحوار وقال ( حسب مفهوم الرياضيات سالب في سالب يصير موجب ، وهذا يقودنا بالاستعاضة انه عكس في عكس يصير مو عكس) وانتهت الحلقة بعد ان صار الضحك ( بفلس) على حال السواد الاعظم العكس !!
https://telegram.me/buratha
