قصيدة / بلا امريكا و حلفها نواجه الظلام

عجيب امر الحكومه شْبيها ياهالناس
الَامريكي النذل ويْ داعش الانجاس
.
الهدف واحد ابد ما يقبل التأويل
فتن وارهاب غايتهم دمانه تْسيل
.
العراق اقسام يردوه وْشعوب يْصير
لذلك . يا حكومتنه . اسعي . للتغير
.
الحشد والجيش كافي وْ يهزمِ الاشرار
عليهم ياحكومتنه اعتمدي وشْما صار
.
رجال ابطال عند ما تهاب الموت
اسود وْ بالمحن تتحدّه كل طاغوت
.
الدواعش ما يخلّوها بْوطنّه تْعيش
نِعِم من هالزلم متهاب كل تجييش
.
بلا امريكا وْ حلفها نْواجه الظلّام
وحق الله وْرسوله وْعترِته الاعلام
.
علينه اليِعتدي منّ الارض نفنيه
نِراويه العجب مُرّ وْسم نسيه
.
شِبر واحد بارضنه ما يِظَل مغصوب
وْعلَمنه بْكل مكان يْرفرف وْ مهيوب
.
نعم بالدم عهدنه اليوم وقّعناه
وْنداء الحق فِزَعنه بْلهفه لبْيناه

اشترك في قناة وكالة انباء براثا على التلجرام
https://telegram.me/buratha