ابو هاني الشمري
وبينما كان خلف يدمدم متضجرا سأله اياد علاوي: شنو القصة رفيق خلف شبيك شو مامرتاح؟فهمس خلف في اذن اياد: ليش انت ما تشعر بالريحة الموجودة بالقاعة بسبب رفيقنا ابو مكي!!فسمعهم اسامة النجيفي وتقدم من عدنان وقال له: رفيق عدنان امشي وياي خلي نبدل ملابسك اخاف عليك لاتاخذ برد!!فتحركت اسماء لتساعد اباها على النهوض واخرجوه من القاعة ليستبدلوا له ملابسه التي تبللت !! فقلت لطارق: زين اذا انت متأكد من قوتكم وشجاعتكم اللي شفناها من خلال مواجهتكم للامريكان لما خرجتوا بملابسكم الداخليه تركضون الى اكبر راس بيكم وهو القائد (شهيد العصر) من طلّعوه من الحفرة جايف وكله كمل ... لويش رحت لامريكا وكمت تبوس بقندرة بايدن حتى يرجع جماعتك المجرمين ؟وهنا استشاط غضبا وبدأ يسب ويرعد فصرخ بصوت عال:لك وينكم ابو عروبة وابو تحرير .... فجاء اثنان يركضان بسرعة وهما يرتديان ملابس الزيتوني التي تشبه ملابس البعثيين الذين قادوا الجيش الشعبي وما فعلوه من ويلات بابناء العراق من خلال اخذهم قسرا الى جبهات القتال .. وما ان وصلوا حتى صرخ بحدّة: اخذوا هذا ودوه وكصوا لسانه كبل متكصون راسه وبعد ماتعدمونه ذبوا جثته للجلاب واذا بقت عظام ذوبوها بالتيزاب !! وبينما هو يصدر الاوامر وهؤلاء الجلاوزة يصرخون (نعم رفيقي) لكل فقرة من اوامره التي يصدرها ... نهض ظافر من مكانه نحو طارق وقال له بهدوء ... هاي شبيك رفيق طارق شوية صبرك علينا هو اولها وتاليها منتهي ومايطلع من هاي القاعة سالم بس خلينا شويه نحرك اعصابه ونخليه يموت قهر كبل ميموت بسيف المجاهدين رفاقنا... ثم تحرك ظافر نحوي وقال لي: سؤال وجيه وآني راح اجاوبك عليه الى ان يهدأ رفيق طارق ... اما مسألة هروبنا من ساحة المعركة فأنت تعرف انه شعارنا كان (البعثي اول من يضحي وآخر من يستفيد) وهذا الشعار خليناه حتى يمشي براس الطراطير من امثالكم لكن الحقيقة كان شعارنا هو (البعثي هو اول من يستفيد وغيره من يضحي) وهذا الكلام مايحتاج دليل لانه اتحدى اي انسان يجيبلي اسم رفيق واحد او وزير اوقائد عسكري استشهد بمعركة ام المعارك ويه الامريكان ودليلي قفص الاتهام مال المحاكم اللي سوتها حكومتكم الصفوية للرفاق ويطلعون بيها رفاقنا اللي كانوا قادتنا بالحكومة السابقة كلهم ديتحاكمون وولا واحد بيهم استشهد بالمواجهه .. وهذا فكرنا وهذه مبادئنا نطبقها حرفيا براسكم نوديكم للذبح غصبا عنكم وعن اللي خلفوكم ونثبت حكمنا, ولك هسه موزين من عدنا مخلينكم تعيشون بالعراق وانتم اصلكم من الهند لو من ايران ولفيناكم عدنا .. اما عن سفرة رفيق طارق لامريكا فقبل شويه رفيق طارق قال .. احنا شعارنا نرجع الحكم بكل الوسائل .. ووحدة من هاي الوسائل بوس القنادر حتى لو كانت قندرة رئيس وزراء اسرائيل مو مشكلة عدنا والحقيقة احنا كلنا البعثيين مانكدر نسوي اللي سواه طارق من اجل ارجاعنا لانه هو صاحب موقف شجاع واشتغل بشكل رائع وسوا اللي ماكدر يسويه كل قادتكم المابيهم خير بس الكلام الفارغ رغم انه لو كانت عدنا هيجي مناصب كان ماخلّينا واحد من عدكم يتنفس الهواء ... وهنا قفز جمال الكربولي من مكانه وقال:لاوالله مانخلي شئ اسمه رافضي بالعراق وهاي قبور ائمتكم اللي يوميه طالعين تمشون الها الا نسويها ويه الارض وخلي واحد يدعي ويكول اكو رافضة بالعراق,وهنا قاطعته وقلت له: اي ولك موغريبة عليك يامجرم كبلك سووها الامويين والعباسيين وحتى صاحبكم (مجرم العصر) ابو الحفر هم سواها لكن بقي صوت ائمتنا اعلى من صوت المجرمين العددتهم الك وانت وياهم ولا انت ولا اخلفوك ولا كل عصابات النصب الوهابية والبعثية تمنع صوت الحق الصوت الالهي... اما انت ياظافر فأشهد بالله ان كل انسان يحاول الانتقاص من شعب الحضارة في الجنوب الخربتها عصابات البعث الاجرامي فهو ليس من صلب طاهر .. فأنت تروح تصرخ بالاعلام العراق بلد الحضارة والادب والعلم وتروح تعدد الحضارات , سومر وآشور وبابل واور ووو وكلها بالجنوب ... وتعدد العلماء والادباء وكلهم من الجنوب وتتكلم عن ابو الانبياء ابراهيم(ع) وهو مولود في الناصرية وهنا تجي تنتقص من رجال الحضارة اللي تتفاخر بيها لك صدكـ انتم ساقطين وعيونكم صلفة وما عدكم شرف ... اذا انت تتباهى بيهم بالاعلام وتطالب بذبحهم سرا ويه جماعك الساقطين!! فاستشاط غضبا وبدأ اللعاب يتطافر من فمه العفن وهو يصرخ :ولك انت تهددنا واحنا سادتكم منو اللي علمك هذا الحجي (وهنا بدأ يتكلم بكلام بذئ يعكس اخلاق البعث ومنهج رجاله المنحطين نأنف عن كتابته احتراما لمشاعر ابناء المقابر الجماعية الذين قال عنهم انهم قتلوا على يد ابناء الانتفاضة نفسها في احدى لقاءاته المتلفزة!!!).فتدخل صالح وقال: شويه اعصابك رفيق ظافر روح اكعد وخليني اني وياه اريد اسأله كم سؤال.. فرجع الى مكانه وهو ينظر الي شزرا وبحقد لايوصف.قال لي صالح: انت موبالبداية طلبت تعرف شنو اللي سويناه حتى نرجع للانتخابات.. فرددت عليه : نعم هذا ماطلبته بالضبطفقال لي : اني راح اكلك شسوينا اضافة الى ماتكلم بيه رفيق طارق..اولا ماخلينا شي يصير بالعراق اسمه بناء او تقديم خدمات والسبب حتى نخلي الناس تشعر انه الحكومة فاسدة ومابيها خير ويجب ان تستبدل... وثانيا شكلنا مجاميع جهادية من هاي اللي ذكر قسم منها رفيق طارق وبعد بكدها خمسين مرة من اجل قتل العناصر الصفوية التي تقف بالضد من افكار الحزب والتي تعتبر عائق امامنا للوصول الى السلطة مرة ثانية بسرعة .. وانت تشوف يوميه الرفاق طاكين مجموعه من ضباط وقادة كبار بالدهن وهاي اسهل طريقة للوصول للحكم ..ثالثا سوينا خطة اضافية حتى الشيطان ميفكر بيها اساسها التفجير وين ماكان حتى كل الناس تصرخ وتكول هاي الحكومة مابيها خير ولازم تستقيل وشوف بعينك يوميه شكد يسوون المقاومين عمليات بطولية ضد الناس بالشوارع وبالمدارس وبالاسواق وبالجوامع وبكل مكان .. وازيدك علم احنا اذا نشوف الرفاق يصير عليهم ضغط ومايكدرون يوصلون العبوات او المتفجرات الى بعض المناطق وداعتك .. وآني ماأحلف بيك جذب!!!! احنا نوصل العبوات والمتفجرات بايدينا للمكان المطلوب ... والحمد لله هاي العمليات تجيب نتائج سريعة لانه من كثرة الارامل والايتام بدت الناس تصرخ وتكول هاي الحكومة مابيها خير ... وطبعا احنا وياهم نصيح ياناس تره الحكومة متكدر توفرلكم الامان ولازم تجي حكومة قوية بدل هاي الحكومة التعبانه... وطبعا احنا نقصد بالحكومة القوية ربعنا البعثيين لانه احنا شعارنا اللي يكول كلمه متعجبنا نكص لسانه وبالتأكيد الخوف يخلي الناس تسكت وتنجب!!.. وهنا صرخ خلف من مكانه: يمعود آني لوحدي يمكن اربعين لوخمسين سيارة جهزتهن للتفجير ودزيتهن بأيد جماعتي وفجروهن بمناطق مختلفه من بغداد وتخلصنا بيهن من مجموعة من الصفويين.. ولم يتمالك حسن ديكان نفسه ان صرخ من مكانه: اما آني فكنت اودي جماعتي الرفاق ويخطفون الصفويين وبأيدي اذبحهم ... وقال وهو يبتسم بخبث!!! .. وداعتك حتى نسيت عدد اللي ذبحتهم عدا العوائل الصفوية اللي هجّرتها من القرية العصرية وباقي المناطق!! ... بينما قال ظافر ضاحكا : شنو القصة ياجماعة قابل نسيتوا آني شسويت من عمليات نوعية بطولية وسيارات مفخخة ضد الصفويين المجوس!!ثم اردف صالح قائلا: ورابعا خلينا جماعتنه الضباط والموظفين الابطال اللي زرعهم الرفيق طارق داخل الاجهزة الحكومية يوصولون النا المعلومات عن تحرك القوات والاجهزة الحكومية اولا بأول حتى ماتعبر علينا الكشّاية.. هذا طبعا عدا المعلومات اللي يوصلها النا الرفيق طارق من اعلى سلطة بالدولة زائدا المعلومات اللي توصل النا من البرلمان .. حتى انه صار تحركنا لضرب اي مكان يمشي بكل سهولة عن طريق وجودنا ويه هذوله الصفويين المجوس داخل الحكومة واذا كان اكو اي عارض لعملنا فماشاء الله الفلوس موجودة وغركانين بيها وتوصلنا من كل الدول العربية بالخليج وجماعتكم الموجودين بالشرطة والجيش وباقي الدوائر اذا انطيناه خمسمية دولار مستعد يذبح امه وابوه .. ولهذا صارت حركتنا كلش سهلة وعن قريب نعلن عن عودة الحزب للسلطة رغم انه حاليا اغلب مفاصل السلطة بأيدينا وانطينا توجيهات لكل الرفاق الذين تسلموا مناصب قيادية بالدولة مثل منصب مدير عام او مدير قسم او وكيل وزارة او وزير ان يعرقلون كل شئ يصب في صالح المواطن وما ينفذون التعليمات ويعرقلون المعاملات ويحاولون تأخيرها بشتى الاعذار ... مثل ماكو تعليمات , او لحد الآن ماصدر قانون , او الوزير مسافر ومحد يوقع بداله, اوماكو مخصصات للمشروع ... او نجيب مقاول فاشل حتى ينفذ المشروع بشكل فاشل ... والطرق كلش كثيرة وما اكدر اعددها الك لانه جماعتك الصفويين يشوفون بعينهم شجاي نسوي وشلون نوقف البناء ومنخلي شي يمشي صحيح... اما اوزرائنا فميحتاج نحجيلك شسووا من بطولات كبيرة من اجل ان تتطبق هاي الطريقة الفريدة بنوعها... وهنا قلت له: ان الكثير من الوزراء ووكلائهم والمدراء العامين تحت نظر هيئة النزاهة وحولت كثير منهم للمحاكم.فضحك من كلامي حتى كاد ان يسقط على قفاه من الضحك وقال:هذا ياوزير لو وكيل وزارة من جماعتنه حولتوه للمحكمة يبين عليك مطفي ومتعرف شنو القصة ... بابا احنا بدينه نوجه الاعلام مالنه وجماعتنه داخل البرلمان وآني واحد منهم نحجي والاعلام ويانه يحجي على وزرائكم الفاسدين وخليناهم يجيبونهم للبرلمان ويستفسرون منهم على اعمالهم عدا عن فضحهم رغم انه المدراء الرفاق من جماعتنه بهاي الوزارات بقوا بمناصبهم وما عليهم اي شئ ..وبهاي الطريقة بدينا بتصفية وزرائكم حتى نبين للعالم انه انتم فاشلين فاششششششششليييييين زين ..يلله جيبلي اسم وزير واحد من جماعتنه جبتوه للبرلمان وحاسبتوه .. ابو الكهرباء ... اقصد وزير الكهرباء من عندكم!! ووزير التجارة شروكي من عدكم .. ووزير النفط صفوي من جماعتكم .. وروح عدّدلي اللي تقدموا للمحاكم كلهم جماعتكم ... اما اذا رادوا يقدمون واحد من جماعتنه للاستجواب بالبرلمان فمستعدين نحركـ الدنيا صراخ بالاعلام وتعرف كل الاعلام العربي ويانه من المحيط الى الخليج ونخليكم تتراجعون عن استجواب اي وزير من جماعتنه ... مو كَلتلك انتم مابيكم خير وماتصلحون للحكم. ... هاااا خاف تقصد اسعد الهاشمي ابن اخت رفيق طارق !! يابه تره هذا قضيته شخصيه بيناتنا احنا الرفاق لانه هو مسؤول مباشر عن تصفية اولاد مثال الآلوسي وتعرف مثال من جماعتنه فأنتم شعليكم بهاي القضية .. لانه هاي قضية عائلية واحنا نحلها بيناتنه وبعدين لو صدكـ القضية تخص الحكومة كان كدرت الحكومة تلقي عليه القبض وتحاكمه .. البركة برفيق طارق طلعه من بيناتكم مثل ماتطلع الشعره من العجين... مو كلتلك افضال رفيق طارق علينه كلش هواي.بعدين وداعتك وانت شكد عزيز علينا!!!(قالها باستهزاء) سنة الفين وتسعة خلينا كل الشباب الكانوا ويانه بالمقاومة ويذبحون بيكم.. بوازارت الداخلية والدفاع وغيرها باسم المصالحة الوطنية... الله شكد احب هاي التسمية !! لوتدري شكد كدرنا نسوي بيها اشياء حتى الشيطان ماكدر يفيدنا بكَدها ... اذا شغله ماتعجبنه نصيح راح تخرب المصالحة واذا ردنا نزيد عدد الرفاق نكول لازم تزيدون العدد بالدوائر والمؤسسات حتى تمشي المصالحة ... صدك المصالحة نعمة للحزب وللثورة!!. وخامسا ... لاتنسى اني هسه اعددلك السويناه حتى نوصل للحكم بسهولة!!... وين ما اكو واحد ضد حكومتك لو ضد الشعب نوكف وياه ونسانده ... مثل منظمة خلف (وهنا صرخ خلف ... رفيق صالح ياخلف هذا!!!) فاستدرك صالح ضاحكا وقال : اقصد منظمة خلق .. والجهات المقاومة ضد حكومتكم الصفوية اضافة الى دعمنا لكل العصابات الاجرامية مال الخطف والسلب وترويج المخدرات وحتى واحد يكبسل مستعدين ندعموا لانه همه هذولة ساعدنا الايمن في الوصول للسلطة ... وكذلك الدول العربية الواكفة ضدكم احنا وياها وعلاقتنا بيها متينه ... ولا تنسى الدعم اللي يقدمه الرفيق طارق لكل المقاومين الموجودين داخل سجونكم ويمنع اي ضغط عليهم ... اصلا احنا مسكنيهم بفندق خمس نجوم وانتم غصبا عليكم تخدموهم وتريحوهم الى ان تطلقون سراحهم غصبا عليكم وإلا (راح تخرب المصالحه) ... وهنا ضحكوا كلهم بعد هذه الجملة. ازيدك علم تره احنا اللي هسه بديتوا تصيحون علينا اقلية .. كل القرارات بايدينه وماتمشي بدون موافقتنه احنا الرفاق .. اضافة الى ذلك استخدمنا شتى وسائل التزوير والتلاعب بالنتائج من اجل ان ندخل الانتخابات ونصير بالبرلمان والحكومة وأحلى شي سمعته هو مناداة جماعتكم .. العراق مايحكمه حزب وانما الجميع يشتركون بالحكم ... الله الله انتم شكد طيبين واغبياء وبسرعة تنسون !! يعني احنا بدون كل تعب ولا اذيه رجعنا بهذا القرار مالكم.. ودخلنا !! ... وما شاء الله بأقل من سنة صرنا قادة العراق من جديد ... رفيق طارق نائب الرئيس ... والرفاق اعضاء بالبرلمان والرفاق بالتسلسل صاروا رؤساء بالبرلمان ونواب برئاسة الوزراء ... وكبار الرفاق صاروا مستشارين بالحكومة وبالاجهزة الامنية وقسم آخر صار وزراء ووكلاء وزراء ..وصاحبكم احمد الجلبي يدور بس على الموجودين عنده بالقوائم اللي ما ادري منين جايبها على اساس همه هذولة المشمولين بالاجتثاث!!.. حتى الرفيق وفيق السامرائي صار مستشار لرئيس الجمهورية .. بالرغم من انه مطلوب للقضاء !!هاا هذا الكلام يكفي حتى تعرف شلون رجعنا وراح نرجع للسلطة لو بعد تريد اشرحلك ؟فقلت له : ليش بعد اكو شي عندك خليته ماحجيته ؟فقال: نعم... عجل اسمع يولّو اسمع ... انتم خليتوا فقرة سبعة بهذا الدستور مالكم تريدون تطبقونها علينا وسويتوا هيئة الاجتثاث حتى تمنعونا من الانتخابات ... بس لوتدري شضامين الكم وشفت بعينك شسوينا من من صدرتوا قائمة الاجتثاث على اساس تمنعونا من الحكم رغم انه انتم تعرفون احنا نحكمكم ولاعبين بيكم طوبه ... واني تكلمت ببعض اللي راح نسويه من كلتلكم راح تحترك بغداد بس اكو شي جديد مادريتوا بيه وهو اذا كنتم تكدرون توكفون ضده خلينا نشوف مراجلكم ...فقلت له : وشنو هذا الشي الجديد؟فقال مبتسما :هو مو شي واحد ولكن اشياء ... اولها احنا خربطنا عليكم الوضع وخلينا الخوف بكلوبكم !! وهاي الخطوة الاولى اما الخطوة الثانية وهي خوفنا قضاة التمييز وخليناهم يرضخون للضغوط الامريكية وشفتهم شلون صدروا تعليمات بالنظر بالطعون مال الاجتثاث بعد الانتخابات ... يعني حتى جماعتنه اللي ماقدموا طعون وهمة بعثيين مناضلين ومعروفين بنضالهم هم انشملوا بقرار التمييز هذا بعد شنريد اكثر من هيجي قضاة جبناء !!... ولا تنسى اكو ويه ذوله القضاة من رفاقنا المناضلين السهلوا علينه مهمة اصدار هيجي قرار والحمد لله خلوهم بهاي اللجنة مالت التمييز رغم اعتراضات هذا الصفوي المشاغب بهاء الاعرجي اللي ماقبل عليهم ... بس غصبا عنه وعن الخلفوه عبرناهم باللجنة لانه جماعتكم نايمين ورجليهم بالشمس!!.وهسه اكو ضغط من نائب الرئيس الامريكي على رئيس وزرائكم الصفوي وعلى رئيسكم الكردي ... وانت دتشوف تصريحاتهم شلون صارت متضاربة ... مره يكول رئيسكم اني ماعندي مانع يشتركون بالانتخابات من يصير عليه ضغط من الامريكان ويرجع مرة ثانية ويكول لا اني ما أكدر اتجاوز على الدستور .. وداعتك خلينا تصريحاتهم يضحك عليها الاطفال!!!...اما اذا رادوا يمررون قرار الاجتثاث ويجبرون اللجنة التمييزية على تنفيذ عملها فراح بالتأكيد مقابل هذا يتنازلون عن اعداد كبيرة من اسماء الرفاق المناضلين ويسمحولها بدخول الانتخابات لانه مثل ماشفت من القرارات اللي صدرتها هاي اللجنه فإن القضاة اللي بيها من جماعته وراح يرجعون اكثرهم للانتخابات ... يعني احنا ننتظر قرارات الرفاق القضاة اللي ماكدروا يمشون رأيهم لانه كلها تصب بصالحنا... وراح تشوف الايام الجايّة شيصير ... واذا ما كدرنا ندخل رفاقنا بسبب الضغط اللي راح نتوقعه من الشروكية والمعدان والاكراد العملاء على هذولة القضاة ...ولو اني متفائل بالنتائج... فراح نستخدم الخطة البديلة واللي نفذنا قسم منها قبل كم يوم!!وهنا سألته : وشنو هاي الخطة البديلة؟!!فأجاب: عجل انته ماعرفت بيها فقلت له : لافقال : احنا هيأنا بدلاء عن الرفاق اللي اجتثتهم حكومتك الصفوية وهذولة البدلاء اضبط من الرفاق الموجودين على الساحة ... وازيدك علم اسمائهم ماموجوده بقوائم هيئتكم السخيفة اللي تسموها هيئة المسائلة والعدالة وراح يعوضون عن اللي كدرتوا تجتثونهم ولكن راح يدخلون غيرهم وراح تعرف بالمستقبل بأنه اللي دخلوا بالانتخابات اصلح للحزب من اللي كانوا بداخل الحكومة الحالية ... وهنا قلت له : ولكن من يضمن انهم سيفوزون بالانتخابات!!فأجاب ضاحكا:.....................................يتبع في الجزء الثالث
https://telegram.me/buratha
