ابو هاني الشمري
قرأت خبر محكمة التمييز بالسماح للقتلة بالاشتراك بالانتخابات ... وبين الحزن والحسرة راحت بي الافكار بعيدة حتى وجدت نفسي اجلس بين مجموعة من البعثيين القتلة ودار بيننا الحوار التالي وارجو المعذرة على جميع الكلمات التي صدرت من هؤلاء بحكم ان ناقل الكفر ليس بكافر ولكن هذا هو بالضبط مايفكر به ابناء ابيهم جلاوزة البعث :كان كل من ظافر العاني وصالح المطلك وطارق المشهداني وخلف العليان وعدنان الدليمي واسماء عدنان وحسن ديكان واسامة النجيفي واياد علاوي وجمال الكربولي يشكلون نصف حلقة وهم جالسين امامي ويضعون رجل على رجل وانا واقف امامهم لم يسمح احد منهم لي بالجلوس بعد ان عرفوا انني لست من الاشكال المألوفة لديهم وبكل استعلاء قال عدنان كونه اكبرهم سنا وبرعشة رأسه المعهودة وكلامه العالي المتقطع انت شجابك هنا والله ابو مكي تعذرني كنت افكر بيكم واذا فجأة لكيت نفسي يمكم !!فقال ظافر بصوت ماكر:ان شاء الله ذكرتنه بخير بتفكيرك؟وبكل صراحة قلت له : لا والله من اذكركم تصير عندي كآبة ومغص..فصرخ طارق من مكانه: تعال مروان روح صيح للجماعة ابو قتادة وابو حذيفة وخلي يجي وياهم السياف وياخذون هذا الرافضي الصفوي ويشوفون شغلهم وياه... فتوجه احد الاشخاص الواقفين عند باب القاعة التي نحن بها ليغادرها فعرفت انه مروان الذي امره طارق بجلب الجلاوزة الآخرين ...وفجأة وقف صالح وقال ... لالا شويه صبرك رفيق طارق خلينا نسأله كم سؤال ونعرف شنو فلمه وليش اجا هنا يمنه فجأة !!فأمر طارق مرواناً هذا بطرفة من عينه يلغي الامر ... وهنا سألني خلف :احجي الصدك قبل مانكص راسك مثل ماكصينا روس الجماعة اللي شفت فلمهم قبل كم يوم ونصور عملية الذبح وندزها للقاضي مالكم هذا اليسمونه هاني مدري محمود الحسن مدري شسمه اللي هم مصدك نفسه قاضي ويصدر احكام ؟ ... فقهقه مجموعة منهم على تعليق خلف بسخرية .... فقلت : وماذا تريد ان اتكلم ؟فقال : اريدك تحجي شنو السبب اللي جابك يمنا ؟فقلت : الحقيقة فكرت بيكم واحد واحد ولو انه مو كل اللي فكرت بيهم موجودين كدامي .. واعتقدت انه عدنا قضاء وعدنا دستور وعدنا قانون وقرر يجتثكم وصدر اللي صدر وفرحت من كل كلبي بس المشكلة اليوم خرّب واهسي قرار محكمة التمييز بالسماح الكم بالمشاركة بالانتخابات وصارت عندي كآبة قوية خلتني اجي يمكم حتى اشوف شنو اللي سويتوه حتى ترجعون بهالسهولة!!!ضحك اكثرهم من كلماتي حتى ان ظافر نزلت دموعه من قوة الضحكة بينما بال عدنان على سراويله من شدة الضحك لانه شيخ كبير ولم يسيطر على نفسه!!فقال لي صالح :يعني انت شيعي ولهذا السبب ضايج لانه احنا البعثية سادتكم واصحاب البلد نريد نرجع العراق لاهله ورجاله ... خطية .. ههههه .... شوفو ياجماعة شكد صلفين الشيعة بمجرد انه صار رئيس وزراء شيعي لمدة اربع سنوات وبموافقة الامريكان لما سوولهم تمثيلية الانتخابات الماضية تصوروا انه صار البلد للعراقيين واحنا حالنا حال الباقين... هههه صدك ذولة قشامر !!!فقلت له بحدّة بس اكو دستور صوت عليه العراقيين كلهم وبيه قضية اجتثاث البعث .فرد علي طارق باستهزاء:ولك يادستور هذا اللي تحجي عليه ... صدك انتم مساكين وينضحك عليكم بسرعة ..... شوف حباب شوف , هذا الدستور والقانون اللي تحجي بيه يتنفذ بس عليكم والفقرات مال الدستور تشتغل بس ضدكم اما احنا سادتكم فالدستور نمشيه حسب مانشتهي ... يلله هسه احسب وياي شسوينه بالدستور مالك ياممثل الصفويين المجوس ... قانون الاجتثاث لعبنه بيه لعب وحولناه مسائلة وعداله وراح نجتثكم بهذا القانون بعد الانتخابات الجاية .... هاي واحد ....ثانيا ... الفقرات البالقانون اللي تفيدنا مثل فقرة النقض هاي اللي سويناها بالدستور لمدة اربع سنوات خليناها كلها تمشي لمصلحتنا ومثل ماشفت انته لانه يبين عليك انته متابع لاخبارنا , اني لوحدي عطلت درازن من القوانين اللي تفيد ربعكم عدا القوانين اللي عطلوها جماعتنه داخل البرلمان اللي سويتوه وتصورتوا انه تكدرون تصدرون قوانين بكيفكم وتمشونها براسنه حتى انه خلال اربع سنوات ماصدّر البرلمان غير مية وخمسين لو ميتين قانون يعني قانون كل ثمنتيام وحتى انه كانت اكثر القوانين مابيها خير ولا الها تأثير وانته قيس ... ثالثا .. خو انت شفت بعينك شلون ربعي اللي يذبحون اهلكم بالشوارع والاسواق طلعتهم من السجن رغم الخرط اللي تحجون بيه يومية بالقنوات على اساس انه القضاء واستقلالية القضاء ومن هاي السوالف التعبانه اللي نمشيها عليكم ... وبعدين اذا جماعتك هذوله اللي يسمون نفسهم قضاء مدري حكومة مدري شنو ... اذا همه صدك ملتزمين بالقانون اللي تحجي عليه يلله خليهم يطبقون القانون على حسين التكريتي وسلطان هاشم ... هذوله موصدر بيهم قرار اعدام قبل كم سنه واحنا عطلناه .. يلله اذا همه ابطال مثل متكول خليهم ينفذون قانونك هذا؟!!!!فقلت له: بس حسب معلوماتي قبل كم يوم عدموا علي كيمياوي يعني القانون يتنفذ ... فضحك كلهم مرة اخرى على تعليقي ... فردّت علي اسماء بنت ابيها قائلة :ولك صدك انت غبي ...هو هذا علي كيمياوي لوما الحكومة تعدمه جان احنا عدمناه !!! لانه وجوده يخرب علينه الشغل واحنا انريد شغلنا يمشي بالمضبوط بعدين هو شنو هذا الطرطور الله يرحمووو (وهنا ضحك كلهم عند سماعهم هذه الكلمة) شو ماشاء الله احنا عدنا الآلاف اضبط من علي كيمياوي ومستعدين يضربونكم ذري موكيمياوي .. ولعلمك احنا قررنا ويه الامريكان ما ينعدم لا سلطان ولا حسين التكريتي وراح يبقون عدهم ومايسلمونهم لحكومتك التعبانه وهسه تشوف قانونكم يمشي لو القانون مالنا ... ثم بعدين تره كلما اسمع بأنه الحكومة لزمت اخوية مكي وراح تحيله للمحاكم ويعدمونه ومن هالسوالف المابيها خير مالتكم اضحك عليكم لانه انتم تعيشون وتموتون وتبقون على هاي الحالة ... اذا اكو حكومة وقانون خليهم يجيبون رفيق محمد الدايني من ماليزيا ... والله لو ينكلب كل العراق مايقدر يجيبه .... كَال قانون كَال, هه .وهنا تدخّل طارق وقال:بالله بله زحمة رفيقة اسماء تره اني بعدني ماخلصت كلامي ويه هذا الافندي الصفوي!! اي نرجع لموضوعنه ... ورابعا ... غصبا عليكم سوينه قصة المصالحة ومشيناها عليكم ... انتم تكولون المصالحة ويه الشعب واحنا ندري بالمصالحة على انها ارجاع لجماعتنه بدوائر الجيش والامن والشرطة وباقي الوزارات وبمناصب اعلى وغصبا عليك وعلى الخلفوك (قالها بحدّة محاولا اغاضتي) وآني بهاي ايدي كتبت اسماء جماعتي بقوائم طويلة عريضة وحددت مناصبهم مسبقا ودخلوا بالجيش والشرطة وهاك هاي وحدة من القوائم شوفها زين:(http://burathanews.com/news/6616.html( وبينما انا اقلب بالاوراق قال لي ظافر العاني :شوف ولك وخليها بعلمك تره الرفيق صالح من كال احنا واقصد بكلمة احنا ... يعني احنا سادتكم وسادة العراق البعثيين .. راح ناخذ اربعين مقعد بالانتخابات الجايّه كلتنا مارضينه عليه لانه طالبنا الامريكان والحكومات العربية يبحبحونها شوية ويسونها 60 مقعد النا على اساس كبعثيين خالصين بداخل البرلمان ونضيفلهم جماعة رفيقي اياد علاوي الوردة زائدا ربعنا اللي دخلوا بقوائمكم الانتخابية والباقين اللي دخلوا بأسماء مختلفة وبهذا يكون النا مابين 190 الى ميتين مقعد بالبرلمان ونطيح حظكم بالقانون والدستور وبطريقة انتخابية شفافة ترجع الحكومة النا ...وهنا نهض عدنان الدليمي متكئا بيده على كتف اياد علاوي وهو يتحدث بعصبية ويربد ويزبد:يابه والله والله إلا لا اخلي العراق من شماله الى جنوبه مقابر جماعية الكم ياصفويين يامجوس ... ولك انتم اشوفكم بنظري حشرات لازم نستخدم الها بف باف.فقال له اياد علاوي :على كيفك رفيق ابو مكي هاي شنو ... اقلها شوية احترام النا مو احنا حاسبينا على الشيعة .... فتبسم اكثرهم ابتسامة صفراء تنم عن حقد رهيب ... فرد عليه الدليمي:لا دكتور اياد انته محسوب علينه وتعرف انته مو منهم ... لانه الانسان العراقي الشريف نعرفه بمقدار انتمائه واعتقاده بمفاهيم الحزب والثورة وانته والحمد لله تسير بهذا المنهج... فردّعلاوي:ميخالف بس شوية مدارة لشعورنا .....فدمدم كل من حسن ديكان وجمال الكربولي بصوت خافت :هههه ...شعور.. ولك انت منو بنظرنا حتى يكون الك احترام عدنا؟فتكلم طارق وقال :رفاق رجاءا تره بعدني مامخلص كلامي وياه شويه انطوني مجال ...(ثم التفت الي وقال ) ليارقم وصلنا؟ فقلت :اربعة فقال:خامسا اما شسويت بالحكومة مالتكم فمو غريبة عليك اخذ بفلوسكم وبطياراتكم واعيش واتنعم بخيرات العراق واثبت الاركان لحكم الرفاق حتى نرجع اقوى من السابق ... هاا تريدني اعددلك شسويت ؟ فقلت له ... مالمانع؟ فقال:الحزب الاسلامي بعهدي انجز بطولات عظيمة كلها تدعم عودة حزب البعث... ودعمي لكل المقاومين الشرفاء من امثال المرحوم ابو مصعب الزرقاوي(وهنا هتف كلهم الله يرحمو!! حتى اياد علاوي) .... اما انا فقلت اسكنه الله نارا حامية...ثم استرسل طارق قائلا: وطبعا اكيد انت سمعت وشفت بعينك اعترافات امير دولة العراق الاسلامية ابو عمر البغدادي شلون ذكر حزبنا بالواجهه وشكد عمليات بطولية سويناها ضدكم حتى نرجع للحكم!! اضافة الى قصة اختي الرفيقة صابرين الجنابي...فقلت له: لقد افتضح امرها والقي القبض عليها وهي داخل السجن حاليا..فقال: يطبها مرض وشنو يعني ... المهم شغلتنا جابت نتيجة بوقتها وخففنا الضغط عن جماعتنه المقاومين من المضايقات اللي كانت تسويها قوات الاحزاب الصفوية داخل الجيش والشرطة وجماعة صاحبكم صولاغي(يقصد باقر جبر) .. وبعدين حتى لو قبضوا عليها ماراح يتغير شئ لانه اني موجود بمركزي واتحدى اكبر واحد يكول خلينا نحاكمة لو نرفع الحصانه من عنده ... حتى ثاني يوم يحترك العراق !! ونشغل عليكم اسطوانة تصفية الشخصيات السنية المعارضة والطائفية والمصالحة ومن هالكلمات اللي خليناها عليكم مثل المنشار اليكص بيكم على الوجهين.... بعدين لاتنسى سفراتي المكوكية اللي يروح وياي بالسفرة كل جماعتي المناضلين وما أخلي صفوي واحد يركب وياي بالطيارة ... يوم لتركيا ويوم للاردن ويوم لقطر ويوم للسعوديه وحصلت على تأكيد ودعم من كل الرحتلهم بأن ناخذ السلطة منكم ونرجعها لاهلها ومايبقى ويانا لاصفوي ولامعيدي ولا شروكي ولا صاحب سروال كردي!!...فقلت له: وشكد انطوك فلوس بهاي الجولات مالتك (ياحضرة المكدّي)؟... فقال: احترم نفسك ولك لاهسه اوديك اذوبك بالتيزاب ... هاي كلها الفلوس اللي شهيد العصر وزعها على اخوتنا من الاقطار العربية المجاورة وهسه همه يتذكرون الجميل ويرجعولنا قسم منها برحابة صدر ... بعدين السعودية الشقيقة انطتني وعد على لسان امرائها بأنه ماراح يتنازلون الكم ولا فلس واحد من الديون الى ان نسقط هاي الحكومة الصفوية وبالمقابل سمحوا لكل رجال الدين ان يمدونا بالمجاهدين الاستشهاديين واحنا نوجههم بداخل العراق حسب الاهداف اللي نريدها وداتشوف شلون نقطف الثمار مالتها...فقلت له : ولكن هاي الحيوانات الانتحارية تفجرونها بالاسواق وبالساحات وبالمدارس وتخبطون بيها الطفل والشيخ وبيوت الناس الابرياء ..فقال : اولا احنا نمشي حسب مقولة شهيد العصر السيد الرئيس اللي قال بيها اسلمهم العراق تراب يعني ماكو لابشر ولاشجر ولاحيوانات.. واحنا نطبق هاي المقولة بحذافيرها لانه كلمات القائد الرمز يجب ان تطبق!! وثانيا احنا نتيمن بسنة مروان بن الحكم وهو قائد عظيم تعلمنا منه ان نضرب جميع الجهات من اجل اضعافها.... وانت تعرف كان مروان بمعركة الجمل يرمي بالسهام على جماعته وجماعة صاحبكم(علي) فلما سألوه شدتسوي كال وين مايوكع السهم فهو نصر النا !!! مو هيجي رفيق سلمان ... فأجاب سلمان الجميلي: اي هيجي بس شوية بتصرف!!ثم استمر طارق قائلا: وبعدين استمرار التفجير بهذا الشكل يخلي الناس كلها تكول هاي الحكومة ماتكدر تحمي الشعب او بمعنى اخر انتم مابيكم خير تحكمون وراح يكثر القيل والقال وواحد يجر بالطول والثاني بالعرض وبالنتيجة كلها تصب بمصلحتنا ونستلم الحكم براحة وبدون تعب !!فقلت له: هاي الاعمال موغريبة عليكم لانه انتم اساسا ساقطين وماعدكم كل قيم بس مع ذلك اكو جرايم هواي مو انتو سويتوها لكن القاعدة سوتها ...
فقال لي : شوف يابطل الصفويين لاتبقى تلوّص وتحجي كلمات مالها قيمة عدنا ... ساقطين وقيم ومن هالكلمات اللي يكولونها علينه بعض الناس المايفتهمون بس الشتايم !!! احنا شعارنا نرجع الحكم بكل الوسائل ... ووحده من هاي الوسائل القاعدة جبناهم يمنه وفتحنالهم بيوتنا وانطيناهم الرفيقات نسائنا حتى يصير للباقين واهس ويجون من يسمعون بالخبر لانه الرفيقات مستعدات لكل شئ من اجل عودة الحزب مرة ثانية ودخّلنا جماعتنه وياهم على اساس مجاهدين اسلاميين ... وداعتك ماسوينه شي بس ذبينا الزيتوني والبسطال الاحمر ولبسنا غتره بيضة ودشداشة وحجينا بكم كلمة بيها دين ..وصرنا امراء على الزمايل اليدزونهم النا من اقطار الامة العربية وحتى تصير الشغلة مضبوطة خلينا ويانة كم واحد من العرب على اساس همة امراء وقادة بداخل العراق وشكلنا اكثر من مجموعة... وحدة اسمها دولة العراق الاسلامية وثانية اسمها فيلق عمر ووحدة اسمها كتائب ثورة العشرين وجيش انصار السنة وجيش محمد .... بس هاي الاسامي كلها ربعنة يديرونها وهمه اللي ينفذون العمليات عليكم ويفجرون بيكم بفضل الله وفضل الحيوانات الجهادية اللي يدزوها علينا جاهزة ومغسولة الدماغ وماعلينا بس نلبسهم الحزام الناسف لو نركبهم السيارة المفخخة وندزهم وين منريد. يتبع في الجزء الثاني
https://telegram.me/buratha
