المقالات

رسالة الى ابي ( باللهجة العامية الصرفه ) اكله هنيالك متت بويه ورحت بحسرتك مظلوم

2450 22:41:00 2006-09-13

( بقلم الكوفي )

هنايلك متت بويه وماشفت الذي انشوفه بـــــــــــويه هنيالك متت وما لحكت على الصار بــــــــويه الله يحبك واخذ امانته من وكت وما خلاك تلحك على المحكمة الي شكد جنت تتمناها وتطلب من الله يطول عمرك بويه هنيالك ما لحكت وشفت ، جا متت الف موته بـــــــــــــــويه .بويه عد الله احتسب امرك ابنك الي عدمه صدام اليوم المحكمة من جديد تعدمه بـــــــــــــــويه .بويه ابشرك ماكو لادم ابنك لا جثته لا احد ياخذ بحكه بـــــــــويه اغسل ايدك طلع الخياس بـــــــــويه .بــــــــــويه جذب كلمن كلك اكو حك بويه الحك راح ويه اهله بـــــــــــــويه .بويه ابشرك فوك السجن فوك التعذيب فوك الغربة طلعنا مو عراقيين بـــــــــــــــويه.بويه شسولفلك لاماي ولا كهرباء ولا امان بويه كل الي جنت تتمناه ماصار بـــــــــــــــــويه .بـــــــــــويه تدري صدام راح يطلع خوش ادمي والبعثية بويه ابشرك طلعوا شرفاء تالي وكت بــــــــــــــويه .بــــــــــــويه واذا تسالني انت وين وليدي اكلك بويه بره كاعد عد المحتل ابشرك بويه بعد ما عندي وطن بـــــــــــويه .لا تكلي ارجع بــــــــويه الله عليك وين اروح بويه لابيت لا امان صرت غريب ابشرك بـــــــــــــــويه .بــــــــــويه رحت والله وشردت منهم بويه احس انه مو منهم بـــــــــــويه ليش ما ادري بويه يمكن الوكت غيرني لو غيرهم بـــــــــــــــــويه .لا بـــــــــويه كلشي ولا تسالني عن الحكومة بويه الله يرحمك مالك شغل بالسياسة هاي الحكومة بويه لا صارت ولا دارت مثلها بـــــــــــويه .يابويه اطلعنا مطلوبين للوادم وما ندري بــــــويه ابو سوريا يطلبنا ابو الاردن يطلبنا ال سعود يطلبونا بويه تدري ذبحونا بــــــــــــويه .

اثاري السقيفة ما خلصت بويه ولا كربله ابشرك يزيد ما مات بويه تعال وشوف الذبح بــــــــــــويه .تسالني عن جماعتنا اغسل ايدك بويه همزين متت وماشفت بالكوفه شصار بـــــــــــــويه .بويه يوميه معارك والاهل كلهم يرجفون الليل ما يناموه بــــــــويه .

تكلي ادير بالي على الحلال ابشر السيارات احتركت الي بالكراج على ايد ربعنا الابطال بـــــــــــــويه .بويه اودعك الله نعست اريد اروح انام وانشاء الله اوعدك اسولفك بعد وبعد لكن بويه لا تتامل خير اغسل ايدك وما عليك بالي يصير وفي امان الله بــــــــــــــــــــويه .

الكوفي

اشترك في قناة وكالة انباء براثا على التلجرام
https://telegram.me/buratha
المقالات لا تعبر بالضرورة عن رأي الموقع
اضف تعليقك
الاسم والنص والتحقق من الروبوت ضروري
التعليقات
الكوفي
2006-09-14
الاخ العزيز ماجد العدد الذي ذكر فيه كلمة بويه ربما يكون اقل مما هو مطلوب ولو تاملت قليلا وتتصور الذي يندب اباه ويشكو له كم من المرات يكرر هذه الكلمة وفي المقال تقصدت ان امد في كلمة بويه كي تصل للقاريء بشكل واضح ولعلنا جميعا نشاهد عوائلنا المنكوبة بعد التفجير وبالخصوص عندما يفقد اخ اخوه يكرر كلمة خويه بشكل ملفت للنظر مثل ولك خويه عمت عيني عليك خويه عفتني ورحت خويه وووو لذلك تكلمت بلسان الحال علما انني على دراية ان احدى نقاط ضعف المقالات هو التكرار لكن اتوقع هذا لا ينطبق على المقال لانه لسان حال
ماجد محمد
2006-09-14
جميلة جدا جدا وواقعية ولكن لو قلل الكاتب من كلمة ( بوية ) التي فاق عددها المئة لكان تأثير المقال أشد وقعا ً , وشكرا ً
ليث حسن
2006-09-14
تحية من القلب اخي الكوفي .. انا ابن الكوفة ايضاً وكنت هناك في زيارة منذ خمسة اشهر تقريباً وحالها ما وصفت وجرحنا ما شخصت بوركت وبرك احساسك المرهف وننتظر المزيد. تحياتي واحترامي ليث حسن
الشاعر ابو احمد الحداد المسعودي
2006-09-13
مولاي الكوفي بعد التحيه .. رغبت ان اكون معك في المحنه ولكن باسلوبي في النظم للشعر الشعبي وعلى نفس المعنى والقافيه ..يابويه !واتمنى لك ان توفق بكتاباتك الصائبه والله الموفق سيدي الفاضل اخوك ابو احمد الحداد المسعودي من هولنده والسلام .شكرا لوكالة براثا في النشر السريع والدقيق .
الاسعار الرسمية للعملات مقابل الدينار
دينار بحريني 0
يورو 0
الجنيه المصري 0
تومان ايراني 0
دينار اردني 0
دينار كويتي 0
ليرة لبنانية 0
ريال عماني 0
ريال قطري 0
ريال سعودي 0
ليرة سورية 0
دولار امريكي 0
ريال يمني 0
التعليقات
حسن الخفاجي : الحفيد يقول للجد سر على درب الحسين عليه السلام ممهداً للظهور الشريف وانا سأكمل المسير على نفس ...
الموضوع :
صورة لاسد المقاومة الاسلامية سماحة السيد حسن نصر الله مع حفيده الرضيع تثير مواقع التواصل
عادل العنبكي : رضوان الله تعالى على روح عزيز العراق سماحة حجة الإسلام والمسلمين العلامة المجاهد عبد العزيز الحكيم قدس ...
الموضوع :
بالصور ... احياء الذكرى الخامسة عشرة لرحيل عزيز العراق
يوسف عبدالله : احسنتم وبارك الله فيكم. السلام عليك يا موسى الكاظم ...
الموضوع :
صلاة الإمام موسى بن جعفر الكاظم (عليه السلام) لقضاء الحوائج
زينب حميد : اللهم صل على محمد وآل محمد وبحق محمد وآل محمد وبحق باب الحوائج موسى بن جعفر وبحق ...
الموضوع :
صلاة الإمام موسى بن جعفر الكاظم (عليه السلام) لقضاء الحوائج
دلير محمد فتاح/ميرزا : التجات الى ايران بداية عام ۱۹۸۲ وتمت بعدها مصادرة داري في قضاء جمجمال وتم بيع الاثاث بالمزاد ...
الموضوع :
تعويض العراقيين المتضررين من حروب وجرائم النظام البائد
almajahi : نحن السجناء السياسين في العراق نحتاج الى تدخلكم لاعادة حقوقنا المنصوص عليها في الدستور العراقي..والذي تم التصويت ...
الموضوع :
مجلس الوزراء : موقع الكتروني لإستقبال الشكاوى وتقديم التعيينات
جبارعبدالزهرة العبودي : لقد قتل النواصب في هذه المنطقة الكثير من الشيعة حيث كانوا ينصبون كمائنا على الطريق العام وياخذون ...
الموضوع :
حركة السفياني من بلاد الروم إلى العراق
ابو كرار : السلام عليكم احسنتم التوضيح وبارك الله في جهودكم ياليت تعطي معنى لكلمة سكوبس هل يوجد لها معنى ...
الموضوع :
وضحكوا علينا وقالوا النشر لايكون الا في سكوبس Scopus
ابو حسنين : شيخنا العزيز الله يحفظك ويخليك بهذا زمنا الاغبر اكو خطيب مؤهل ان يحمل فكر اسلامي محمدي وحسيني ...
الموضوع :
الشيخ جلال الدين الصغير يتحدث عن المنبر الحسيني ومسؤولية التصدي للغزو الفكري والحرب الناعمة على هويتنا الإسلامية
حسين عبد الكريم جعفر المقهوي : عني وعن والدي ووالدتي وأولادها واختي وأخي ...
الموضوع :
رسالة الى سيدتي زينب الكبرى
فيسبوك