باقر الجبوري||
قريباً .. طريق الفول العظيم هو البديل عن طريق الحرير العظيم .
فلا تتعجب حينها ( اذا ) سمعت ان اهم ما قد يرد في هذه الاتفاقية الثلاثية الابعاد ( 3D ) مع الشقيقة مصر والاردن .
هو تصنيع أكبر ( طاوة من الفافون الاصلي ) لقلي الفلافل .
أو صنع أكبر ( جدر من النحاس - الصفر ) لسلق وهرس الفول المدمس .
حيث ( قد ) يسد هاذان الانجازان العظيمان حاجة العراق لعشرات السنين من هذه الاكلات السريعة .
مضافا اليه التعاقد مع الاردن الشقيق على بناء مشروع الحمص بطحينة لتكتمل الطبخة !
نعم هذه هي المشاريع الحقيقية وليس مشاريع الصين ( الخابصينه بيه ) .
عمي يا جسور يا مدارس يا مصانع يامعامل ياطريق حرير !!!
سولفنة على الفول والطعمية حبيبي اليوم نريد ناكل حتى نعيش !!! هاي نعمة الله شلون نعوفه !
وهذا مستقبل العراق وي بعده العربي المدمس !والمثل الشعبي يگول ( غديني اليوم فول مصري وباچر عشيني بالصين الشعبية )
وخلي افيدك بهاي المعلومة السرية !
انت تدري ان أغلب المروجين لتسقيط إتفاقنا الثلاثي مع مصر والاردن هم ذيول الجارة ايران!أي نعم ايران !!
والغرض منه تصريف الاكلات الايرانية بالعراق مثل مرگة الشبزي والجوجة كباب والچلو كباب وشوربة الآش !!
أي لعد شحسبالك .
انت بس گول بسبب ( الجارة ايران ) .
وشوف شلون الوطنيين يگمزون عالسالفة گدامك !
تگول ناهب خالتهم .
اخر أضافة .. زين انت تدري لو ما تدري ان الطاوة والجدر ومعمل الحمص بطحينة اكيدر راح تبنيه الشركات ( الصينية ) بمصر والاردن باموال الاتفاقية العراقية مع الصين لان الحكومة حولت فلوسهن للاتفاق المصري الاردني .
أدري منين تجيبون هاي الكلاوات .
والله تستاهلون وحيل وابو زايد .
...
من قرب عربة المعلم سنگاوي ابو الفول المدمس .
تحياتي
https://telegram.me/buratha
