المقالات

فقراء في هور الأغنياء


 

فراس الجوراني

 

يسولفلي احد الاصدقاء يگول....
بالتسعينات.چنت اشتغل سايق سياره اجره .چنه مجموعه من السواق..واجه ويانه سايق غريب سيارته لاندكروز عريض 1982..گال انا اسمي (كريم )چنت اشتغل على خط الگرنه (القرنه)..گلناله اهلا بيك .
.وسيارته مميزه جميله ومكتوب بنهايتها على الجام (المنذوره)..
گلناله ألمن منذوره...
گال هاي قصه طويله..
گلناله احچيها ألنه..
گال چان عندي سياره لاندكروز 79 تعبانه..اشتغل بيها على خط گرنه - دير....
وبيوم من الايام وانا بالگراج شفت مره عجوز وعدهه (گونيه)..ولا واحد من السواق قبل يركبها وياه ، الكل يگلها ركبي بالسياره اللي بعدي..
ومن وصل السره الي..گالت يمه. ركبني وياك انا تأخرت..
گلتلها. شنو عندچ گالت هاي (الگونيه)..باوعتلها واذا بيها ما تنجرع من ريحتها العفنه..
گلتلها خاله ماگدر اركبچ وياي ..
گالت يمه فدوه اروح لنعالك صعدني وياك.. يگول( كريم) كسرت خاطري صعدتها وياي. وصعدت الگونيه فوگ على السله....
يگول مشينا وبالطريق نزلت كل ( عبريتي) بقت بس هيه..
گالت يمه تگدر توصلني بهذا الشارع الترابي بداخل الزور..
گلتلها ما أگدر.....
گالت ماگصرت يمه نزلني هنا ..
أوگفت اريد انزلهه..... كسرت خاطري..گلتلها خاله راح اوصلچ ركبي....مشينا بطريق گله طسات وترابي بمناطق هور مجففه..
گالت يمه وصلنا مدت أيدها انطتني ربع دينار أمشكك گالت يمه هاي كروتك ..
وگفت گالت بعد امك نزلي( الگونيه) يگول حبست نفسي من ريحتها ونزلتها للارض...باوعت وشفت 3 اولاد أزغار حفاي وهدومهم وسخه ومشككه اجو ركض عل( الگونيه)..
گالت العجوز اشكرك يمه تگدر تروح .گلتلها خاله أگدر اعرف شنو بالگونيه ..
گالت يمه اترجاك تروح..
گلتلها ﻻ ماروح حتى اشوف البيها ..
فتحتها وگاموا الاولاد الزغار...يطلعون منها طماطه وخيار اصفر وفواكه عفنه وذابله وطلعت (كرشة) خروف..واكل (كله معفن) ..ضلوا الزغار يأكلون من الخضره المعفنه ....وانا مامصدگ اللي جاي اشوفه ...
گتلها شنو هذا خاله ...
گالت ذوله اولاد بنتي الميته وابوهم انفقد بالهور ....
وكل الناس شالوا ﻷن الهور جففوا مايه..وانا بقيت هنا بهذا البويت الگصب. مثل ما انت شايف ...
گلت بيني وبين نفسي ...
والله ﻷقرضن الله قرضا.....
انا ما املك غير هاي السياره.....رحت من وگتها وبعت سيارتي ب750 الف..
گالت( ام حاتم )زوجتي ليش تبيع السياره ...؟؟؟
گلتلها اريد اشتري احدث منها....!!!
سكتت...!!!
اليوم الثاني رحت للسوگ واشتريت للعجوز كل ماتحتاجه وبنيت ألهم غرفه من البلوك وسياج وسگفتها وجبتلهم الطحين والتمن والدهن وكل اللي يحتاجونه من الاكل وكل مستلزمات البيت وگلت للعجوز انا بمثابة ابنچ اي شئ تحتاجين انا بخدمتچ وتحت امرچ انتي والزغار...
دعتلي العجوز بالخير وبقيت كل يومين امر عليهم اشوف احتياجاتهم..
وزوجتي ام حاتم كلت گلبي يوميه تسألني وين السياره وين السياره..وانا اگلها انشاءالله انشاءالله انقطعت عن العجوز فتره....
و بيوم من الايام رحت للكراج اسلم على اصدقائي السواق ..
رحبوا بيه وبعد السلام والسؤال عن الصحه والاحوال ...
گالوا اكو شخصين كل يوم يجون يسألون عنك واحنه محتارين مانعرف عنوانك وبثناء هذا الحچي ...
گالوا ذولهما أجوا ..
بعد السلام گالوا انت كريم ابو حاتم ... گلتلهم نعم...
گالوا اركب ويانه بسيارتنا ، ركبت وانا خايف..من عدهم ...
گالوا من وين تعرف العجوز واليتامى حتى تبيع سيارتك وباب رزقك...
گلتلهم ما اعرفها بس أتگطع گلبي من شفتها وهي تسحل گونية المزابل حتى توكل جهال بتها.....
گالوا منو سماك كريم...
گلتلهم والدي الله يرحمه گالوا صدگ من سماك كريم ....
گالوا تعال ويانه لمعرض السيارات واختار سياره اي سياره...
گلت ليش ....
گالوا..بدل سيارتك.....
گلت وانتم شنو علاقتكم بالموضوع...
گالوا أخذلك سياره واسكت.....
يگول اخذت السياره هاي اللي جاي تشوفونها بعينكم. وكملت كل اوراقها ورجعت البيت،
واول ماشافتني زوجتي ام حاتم بالسياره الجديده تفاجئت وما عرفت شنو تگول، بس شفت الضحكه على وجها وعيونها تصب دموع،
ومن يومها كتبت عليها المنذوره،
بس چان گلبي مامرتاح اريد اعرف سالفة الولد اللي اشترولي السياره منين وشنو علاقتهم بالعجوز،
لكن ربك مايگطع وحب يطمن گلبي ،
وبالصدفه وعن طريق زلمه خير يگول عرفت انو زوج بنت العجوز راجع لعمته واولاده ، وربك رازقه من اوسع ابوابه وذوله الجوني يشتغلون عنده، بس همه ماحبوا يذكرون اسمه گدامي وصيه منه ...

وگلت المال والملك لله سبحانه ومايضيع شي عند الله،
ياريت كلنه نباوع عل الفقير

اشترك في قناة وكالة انباء براثا على التلجرام
https://telegram.me/buratha
اضف تعليقك
الاسم والنص والتحقق من الروبوت ضروري
الاسعار الرسمية للعملات مقابل الدينار
دينار بحريني 3125
يورو 1333.33
الجنيه المصري 71.48
تومان ايراني 0.03
دينار اردني 1666.67
دينار كويتي 3846.15
ليرة لبنانية 0.79
ريال عماني 3125
ريال قطري 326.8
ريال سعودي 316.46
ليرة سورية 2.31
دولار امريكي 1190.48
ريال يمني 4.75
التعليقات
محمود البياتي : ايعقل ان كاتب المقال طالب دراسات عليا؟. مقال حافل بالاخطاء النحوية وركاكة الاسلوب وفجاجة التعبير. اذا كان ...
الموضوع :
تقرير علمي عن الانسان والكون الذي يعيش فيه
ابو كيان الفارسي : تعال شوف الفساد في محافظه بغداد عباس ابو التطقيق كل معامله 10 ورقات علني وباسم ابو فرح ...
الموضوع :
النزاهة: السجن سبع سنوات لرئيس مجلس إدارة الشركة العراقية للنقل البري سابقاً
اخوة زينب : محد راح يحسبهم هذولي اولد معاويه لعنه الله عليهم الى قيام الساعه هم لو عدهم غيره ماكان ...
الموضوع :
المتحدث باسم قيادة محور الشمال للحشد الشعبي : دماء الشهداء فضحت تسجيلات الفلاحي
حمادة : السلام عليكم .... تحية طيبة لوكالة انباء براثا وعامليها المخلصون .. وتحية طيبة للاخوة علي محسن راضي ...
الموضوع :
عدم التزام اصحاب المولدات يا مجلس محافظة بغداد
المواطن : لماذا العراق یبیع النفط 16 دولار ارخص علی کل برمیل الی الدوله الاردنیه. هذا فلوس الشعب. ...
الموضوع :
93% من ضحاياهم شيعة: أحصائية أمنية حول جنسيات الارهابيين الذين قاموا بتفجيرات ارهابية في العراق
محمدامين عبدالحسين عبيد : انفصلت عن الدوام بتاريخ شهر الثامن سنة 2015 بسبب مشاكل عائلية ...
الموضوع :
الحشد الشعبي يصدر بيانا بشأن معاملات المفسوخة عقودهم في الهيئة
تحسين : السلام عليكم النص يعاني من ركاكة واضحة ارجو التنبه ...
الموضوع :
المعارضة بين اليأس والردة..!
العراقي : فعلا هو وزير نزيه . فقط للتنويه اخي العزيز هناك اغلاط املائية كثيرة كمثال حظارية ، منذو ...
الموضوع :
اذا  أردتم الكهرباء فـأدعمو وزيرها ..!
ابو محمد : السلام عليكم ورحمة الله وبركاته لماذا تم رفض القانون في العراق اليس فيه شيعة ؟! ...
الموضوع :
البرلمان الكويتي يقر بالأغلبية قانون الأحوال الشخصية الجعفري
امنه : السلام عليك يامولاي يااباعبدالله السلام عليك يامولاي ابراهيم المجاب اسئلكم بحقكم عندالله وبالشان الذي لديكم عنده ..ان ...
الموضوع :
قصة السيد ابراهيم المجاب … ” إقرأوها “
فيسبوك