هذه قصيدة كتبها مواطن بحريني أرسلها لنا يعبر فيها عن معنى الوطنية كما يفهمها.....
ينشدوني چيف گلبك ماله حن .....!!!؟؟؟
چيف عودك ما عزف لجله لحن ..؟؟؟!!
هالدواهي المعضلة وهاي المحن
ما تأثر ..؟؟؟ ما تغير ؟؟!!
ما تخلي الحبر يجري ؟؟...
والقلم ينزف شجن ؟؟؟....
آه وشگد هو صعب أحچي وأجاوب يا زمن
كل عضو مني تزلزل وارتجف
كل شعر جسمي وگف
آه يا گلبي الليِ تفتت وانطحن
آه يا چبدي اللي نمرد
ياللي من لوعات وجداني وحسراتي إنشحن
ما كو ثغرة .....
ما كو ذرة للحزن ينفذ منها
ما بگت عندي مساحة منها يجتاز الشجن
لا تلوموني إذا هو عگلي جن
آه يا جور الزمن
چيف أكتب ؟؟؟؟
چيف أحسب !!!!!
مو سهل أكتب گصيدة في الوطن
مو سهل أستل آهات الزمن
الوطن مو چلمة سهلة
الوطن ما هو مجرد مفردة ...
لو لفظة ينطقها عفن
الوطن إحساس راقي
من حشاشات المآقي
وجع آلام ومحن
الوطن حب وچفن
الوطن مأوى وسكن
الوطن عباس وحسين وحسن ...
الوطن كل الگرايب والعشيرة
ما ينال الشرف يحمل رايته كل من وهن
جلف مستورد من البرية ضايع
للأصل والدين بايع ...
وحش كاسر
طبل جاسر ...
مرتزق همه الوگايع والفتن
آه وشگد منقهر كلي غبن
يتهمني الأجنبي بحبي ويشككني بغرامي للوطن ؟؟؟
من هوان الدنيا من سخف الزمن
اللذي يقيّم ولائي وانتمائي
ما له خصة ولا علاقة ولا گرابة بالوطن
ما يميّز بين عنفوز وجنم
زين يفهم في الغنم
ما يميّز بين لخلاصة من الماجية ماعمره فطن
وبين سلمية وغراية وبخنگ أو گون
ما يفرگ بين ماي المرگدوش وبين للگاح ونبات المزموتة
ما هو كل من هب ودب
من براري جلف دير الزور والشام وعدن
ولا ولا من عوّج إلسانه ورطن
وگال(( بهرين )) الوتن
الوطن عشگ ومحبة وإرتباط
الوطن شوگ وحنين
الوطن زفرة ولاء
الوطن جمرة غضب
ما هو رگصة ..
ما هو عرضة وسيف غادر
الوطن مو أغنية ماهو درن
الوطن ما هو مجرد طيلسان
ما هو عگال وشوارب ....
ما هو ثوب مچوته بريحة عفن
الوطن ما هو جواز
ما هو جنسية رخيصة بلا ثمن
أبد ما هو خلطة سحرية بيشربها الغريب
لا ولا هو وصفة طبية بيكتبها الطبيب
الوطن خلطة من التأريخ والجغرافيا ..
واللهجة والعادات والأمثال وأشكال المهن
الوطن جعفر ومهدي زهرا وحسين وحسن
كل دلالاته وبراهينه من الآثار يرويها الزمن
الوطن حب وعقيدة وإنتماء
الوطن روح و ولاء
الوطن يا گلبي إرويحة ترفرف ما تفارگ للبدن
مگدر أحچي ...
وآنه أبچي
الغصة تشرگني وأسكت
مو سهل أكتب گصيدة في الوطن
40/5/910
https://telegram.me/buratha
