( قصيدة للمهندسة بغداد )
حضن النخل أريد احضن نخلنة وابجي ساعات وأعظم اجـــر دجــــلة بالجنازات ولوصف الوضع هم الكة كلمات؟! هيهات .... هيهات هيهات الحياة تضحك لاهلنة هيهات العــراق يصير النة هيهات الإرهاب يترك وطنة سلامات ... سلامات سلامات لقبب اطياب مهدومة سلامات لكل ام شهيد مهضومة سلامات لحسرة شاب مكتومة حرامات .... حرامات حرامات العـمر ضايع بوطن ينباع حرامات هل الشـــبان شــــابت بساع حرامات للســــــفينة ما لكينة شراع ازمات ... ازمات ازمات الوطــن خلقوها بعثية ازمات الوطن مو بس اقتصادية ازمات الوطن يا نــاس نفسية شنريد ....شنريد نريد المواطن يرجع عراقي نريد الامـــان يــــكون باقي نريد فكر الشباب يصير راقي منريد ...منريد منريد نصالح شمر العراق منريد نبديها من اول بالنفاق منريد نظلم ابنة وندلل العاق صبرا... صبرا صبرا على النوايب النبعت من الدار؟!! صبرا ياخـــوية قبل العتب على الجار صبرا يا نجفنة شنكول؟ الزمن غدار؟!! صبرا كربـــلة صرتي بــــــالانذار ؟!! اشرار ... اشرار اشرار لبست ثياب الاشرار واشرار لبست ثياب الاخيار اشرار وبينهم صرت محتار!!! شارة.... شارة شارة اهديها لكل لبيبي شارة للمواطن يا حبيبي!؟ شارة لكل ساكت اديبي آص ...آص آص هذا محسوب على المذهب آص تـــرة البعثي ما اذنب!!!! آص خـــلي الاوادم تــــنهب اخيار .. اخيار اخيار بشوفة وجوهم مستمرين اخيار ايدي بايدهم وان كانوا قليلين اخيار وما اظن دنيانة تخلى من الطيبين اختكم المهندسة بغداد
https://telegram.me/buratha
