( للشاعر ابو احمد الحداد المسعودي )
حنيت الباب الصحن والميدان وشارع مسجد الخضره وحنيت الكبة الكرار وسوك الجبير الحامل من اسرار وشكبره ولساحة ثورة العشرين والكوفه هم حنيت والحي السعد كتره ذكرت ايام من عمري البعيده سنين وعبرة العشره شسولف والكلب مهضوم صار سنين لولاية علي الكرار والحضرهيعاتبني الصديج بكل وكت بعتاب يكلي ارجوك زور ولايتك مره يظل كلبك رفيف يماطل بكل نوب يزور ارض الخليل ويذرف العبره تحشمك ديرتك والناس والطيبين يكلولي الحكيم يعاتب بكبره موش انت الودود اوياه عشت سنين جا وين الوفاء يكون وتعبره دكوم تعنه زور حسين والعباس وابوهم عروة العتره وعرج بالزياره وياك للكاظم وزور ابنه الجواد الجاور الكبره وطوف بساحة الخلاني من تكصد لعند بغداد بيه اسباع موجودين بالثوره واذا عندك وكت وياك جوله بساحة التحريرارجم للصنم طاغوت ذاك الطاح بالحفره ورد بسفرتك لجنوب العراق وشوف من الكوت وللذيقار كله ابطال للبصره واحشمك من تعود انوب للغربه لا تنسه الشهيد بن الوطن ذكره حنيت الباب الصحن والميدان وشارع مسجد الخضره حنيت الكبة الكرار وسوك الجبير الحامل من اسرار وشكبره تمت ولله الحمد
https://telegram.me/buratha
