الأخبار

اطباء شباب يقودون حملة عبر الفيسبوك للاعتصام امام وزارة الصحة


اعلن مجموعة من الاطباء الشباب عبر مواقع التواصل الاجتماعي (الفيسبوك) عن دعوة للاعتصام امام مبنى وزارة الصحة ببغداد يوم الاحد المقبل ، المصادف 11 / 12 / 2011 ، من الساعة الثامنة صباحا وحتى الثانية من بعد ظهر نفس اليوم ، وتأتي الحملة التي من المزمع ان يشارك فيها اطباء من مختلف المحافظات .. للمطالبة بتحسين الواقع الصحي وتوفير الحماية للاطباء ومنحهم الحقوق التي تتلائم مع مكانتهم ومعايير عملهم .

وصرح الدكتور احمد صاحب الخفاجي احد منظمي الاعتصام : نحن مجموعة من الاطباء حشدنا انفسنا وزملائنا وحددنا المكان والزمان للاعتصام امام وزارة الصحة ، واضاف ان مطالبنا تتمثل بابسط حقوق المهنة وهي توفير الحماية اللازمة او الاطار القانوني الملائم ،

واشار الى ان نقابة الاطباء وهي الجهة التي تمثلنا اصبحت لا تلبي حقيقة مطالبنا او تنظر الى واقعنا ، ودعا جميع الاطباء للحضور الى الاعتصام مؤكدا ان هذه الدعوة هي الاولى من نوعها ولكن لن تكون الاخيرة ..

يذكر ان هناك صفحة خاصة على موقع التواصل الاجتماعي فيسبوك بعنوان ( معا لجعل بدل الخطورة للاطباء 200 % ) ، دعت الى هذا الاعتصام ، واعلنت بالوقت نفسه ان عنوان الصفحة ليس جزءا من مطالبها .

 

 

اشترك في قناة وكالة انباء براثا على التلجرام
https://telegram.me/buratha
اضف تعليقك
الاسم والنص والتحقق من الروبوت ضروري
التعليقات
محمود البابلي
2011-12-13
الى م واثق الموسوي كلام الاخ الطبيب المغبون صحيح الاطباء دا ينهانون وينكتلون وينقتلون والحكومة ما دا تتحرك المفروض حماية من الحكومة لكل طبيب لان همة الحقيقة عماد المجتمع مو مثل الاخ عايش بكندا وعندة شركة مقاولات ودا يتفلسف علينا
الطبيب المغبون
2011-12-13
انما انت لاتنتمي الى الاطباء بشي من الخوة لان انت كلامك كا تحريضي ع العنف ضد الاطباء (وبس اكلك ترى صدام راح )
وجهة نضر
2011-12-13
زين فد سؤال ليش هل التشنج من الطبيب كل شخص اله حق بالمطالب الي شوف هو يستحقها ,واذا كانت بالفلوس فهو القوت ورزقه وبامكان اي شخص يشوف راتب الطبيب هل هو خارج سلم رواتب الدوله او لا وان الشباب مطالبين بحماية بالمكان العمل الي يعملون بي , واذا اكو كان هناك زيادة في ساعات عملهم فتعطى اجوره حالهم باي حال الموضفين العراقين (سامعين قضية طبب ضارب احد شو الشرطة ومراجعين المرضى يضربوة ويسبوة وماكو نصير الة)
وجهة نضر
2011-12-13
اخي العزيز بالنسبة للموضع ليش المراجع ما يرتاح من يجي لصحة ,فهو ميرتاح باي دائرة حكومية بالعراق ,والسبب مو بالطبب فالطبيب جزء من مؤسسة واذا تقاس الامور بان الطبيب هو السبب ,فاليك التسلسل داخل المستشفى (ياتي المريض يقطع تذكرة علاج ثم يقف في طابور النتظار فهنا يواجة اول مشكلة ويريد يطب بدون سره ويتشاجر مع الاخرين وموضف الاسعلامات ثم يدخل الى الطبيب يفحصة ويكتب العلاج فياتي دوره يقول للطبيب دكتور سويلي اشعه وسويلي سونار ,وتبدا المشحانه بينه وبين الطبيب . وبعدين يكول الطبب ما سوالي سونار
م حيدر الواسطي
2011-12-12
الى الدكتورة سمر الحقيقة الموضوع مو بهاي البساطة اللي انتو متصوريها اكو قلة احترام للاطباء واعتداء بشع عليهم والصراحة احنة بدوائر الدولة من ينفتح موضوع الاطباء ما اشوف اي واحد يمدحهم هاي للامانة فالمسالة هي ليش هاي النضرة السلبية من المجتمع للطبيب بصورة عامة يعني المواطن من يجي يراجع هوة مشبع بنظرة سلبية للطبيب وينضر الة يعني الصراحة كمجرم مو ملاك رحمة يعني ليش القضية جبيرة يعني السوال شنو الدوافع اللي تخلي الناس بهاي العدوانية تجاه الطبيب هي هاي مختصر الموضوع المفروض الاطباء يحلون هالاشكال
م واثق الموسوي
2011-12-12
الى الطبيب المغبون والله الصراحة اني ما طفرت من العراق للسبب اللي تذكرة احنة عائلة نصف افراد عائلتنا صدام ذبحها فرجاءا لا تزاود علينا وثاني شي لحد الان انتة بالذات من دون كل الاخوان الاطباء ما تعرف تحجي فالحقيقة انتة واللي مثلك دا تجيبون السمعة السيئة للاطباء والتجاوزات اللي تصير على الاطباء وهي خطا بكل تاكيد هي من وراك ومن ورا النماذج اللي مثلك وهم اكلك انتة كل اخلاق ما عندك وبعد ما اجاوب واحد مثلك الصراحة كلام الاطباء صحيح واكو قلة احترام من الناس بس الموضوع يراد الة وقفة ومعرفة الاسباب
طبيب مقيم
2011-12-12
مع الاسف اغلب الناس ماواعي ولامدرك لمطالب الاطباء وبلاخص المقيمين..الحكومة والوزارة تبوك ولمستشفيات بوضع مزدري لا اجهزة ولاتحاليل ولاتنظيم ولاحماية للطبيب..ولمقيم هوبلواجهة كانه هولمسؤل..ولناس تهاجم لطبيب بكل همجية وتخلف من لداخل ولخارج..مع انه سنوات يدرس ويخدم بلمستشفيات وبمختلف المحافظات عله حساب نفسه واهله..اتحدى اي طبيب من بره يجي للعراق ويقدم عطاء بظل هلفوضى وقلة لاحترام..خافو اللة ياناس وكافي مزايدات بحجة لانسانية..ارجو لنشر
د.سمر طبيبه عراقيه
2011-12-12
وحتى من يجي المريض وهو على عيني وراسي وواجبي انه استقبله حضرة المرافق ما يصير عصبي لا ما يلكه الطبيب او يشوف الطبيب ما يلحك اوكي وفروا لكل طبيب طياره حتى تتحقق هاي الاشياء والكل يعيشون عيشه سعيده ومحد يصير عصبي على احد وكان الله يحب المحسنين اتمنى اكو اي احد عراقي من قراء هذا الموقع يناقشني بعقلانيه ويعوف السب والشتم وهدر الدماء ويناقشني نقاش حضاري ويفتهمني مثل ما اني مفتهمه الكل ؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
د.سمر طبيبه عراقيه
2011-12-12
اشو من الجيش والشرطه يسدون الطريق عليكم وتنحبسون بالازدحامات ساعتين وانتوا عدكم مريض تريدون تودوا للمستشفى ما تكدرون تحجون وياهم بس من توصلون للمستشفى الكل يطلع عصبيته على الطبيب ويضل يحجي ويسب اللي اسهل منه ماكو على لسان العراقيين وما ممكن بس يفكر انه هذا الطبيب مثله يمكن جان محصور بنفس الازدحام وهوعنده دوام ووصل للمستشفى لكه روحه محصل عقوبه ما يستاهله وبعدين يجي المراجع هم فوكاهه يسبه كولولي شيبقه من الطبيب العراقي الله يخليكم اذا هو لازم يكون عنده طياره حتى يوصل للمستشفى حتى ما يحصل عقوبه
د.سمر طبيبه عراقيه
2011-12-12
نريد من الكل يحس بمعاناتنه واحنا بنص الانفجارات ونستقبل كل الناس في اصعب واحلك الظروف نريدهم يفتهمون انه ماكو طبيب سهله عليه انه يتوفى مريض جوه ايده بس احنا هم بشر مثلكم واني رغم كل شي اتحمل المريض الى ابعد الحدود لكن مو من واجبي انه اتحمل قله ادب المرافقين الي يوكفون كدامي يشمرون بايديهم ويهددون ويسبون ويحيرون شيسوون واذا طالبت بحقي يصير ما عندي انسانيه ليش ابو المخضر شغلته مو انسانيه اكو واحد يكدر يعيش بدون اكل بس كل شي غالي والناس تروح وتشتري المرور شغلته مو انسانيه اشو والجيش والحرس
د.سمر طبيبه عراقيه
2011-12-12
واي واحد بالمجتمع ما تكدر تسويله اي شي ما عدى الطبيب من تدخل للمستشفى انت اصلا تدخل تسب وتشتم منو منكم يقبل اخته او بنته او زوجته تشوف اللي احنا دا نشوفه وتسمع الكلام اللي عيب حتى اكوله هنا وما ينفعل منو منكم يقبل انه زوجته وهي من سكنه بغداد مثلا تروح للفاو تخدم الناس والناس هناك يعتدون عليها حتى لو بالكلام وعلما ماكو اي مخصصات من الوزاره لا نقل ولا اي شي اصغر موظف بالدوله وحتى ابو الاستعلامات وحتى المفتشات اللي بباب الدوائر الناس تحترمهم وهذا حقهم بس احنا هم نريد تعاملونا مثل ما تعاملون الكل
د.سمر طبيبه عراقيه
2011-12-12
الى كل من يسب ويشتم الاطباء العراقيين ويصفهم بانهم جشعيين وغير انسانيين احب انطيهم كم حقيقه مغيبه عن اشعب كله اولا كل الشعب سواسيه فعلا وكل البشر سواسيه ولونجي على كل المهن بالعراق من الشرطي والحمايه والموظف والمهندس والفيتر والمدرس والمعلم وابو الحصه والكل هذوله كلهم مكرمين معززين محد يكدر يحجي وياهم ومع احترامي للكل لو ابو الحصه باك الحصه ما تكدر تحجي وتتجاوز عليه لو الشرطي وكفك وانت كل شي ما مسوي راح تتوسل بي واحتمال تنطي فلوس حتى يعوفك لو الفيتر اللي توديله سيارتك وخربها احتمال يبسطك موصحيح
الطبيب المغبون
2011-12-12
واضح الشخص الي يدعي هو عراقي وساكن بكندا وطفر من العراق لان ما كدر يتحمل العيشه بيها , وكاعد هناك ياخذ من اموال العراقين كلحو غيرها ويتفسق علينا ,واود اعلام الكل انو اني راتبي 900000 واداوم 3600 ساعة بالشهر اي بمعدل 250 دينار لساعه , وماكو قانون يحميني (الي ايده بالمي مو مثل الي ايده بالنار )
علاء الجابري
2011-12-11
قبل فترة رحت لاسبانيا وشفت مظاهرة عيانا اطباء اسبان يتظاهرون لان الدولة قللت من الدعم الحكومي للمرضى وهمة يتظاهرون لهذا السبب علمود يوقفون الاجراءات الحكومية هاي وحدة الثانية الشرطي اللي محتقرة بتعليقاتة احد الاطباء 20 ساعة باليوم واكف يحرسك انتة وغيرك والجندي نفس الشي والمهندس النهاركلة بالشمس برد وحر دا يشتغل شوارع وصرف صحي وابنية الك ولغيرك لا تحتقروا اعمال غيركم ترة هسة ماكو واحد احسن من الاخر الزين اللي يفيد الناس اكثر مو غير شي
م واثق الموسوي
2011-12-11
الى الطبيب المغبون اني دا اشوف اطباء كندا واطباء العراق واقارن وما اجاوبك واذا تحاول تنتقص من الاطباء الهنود فانتو لو بيكم حظ ما ادزولهم العمليات اللي انتو تعجزون اسوهة وثاني شي البشر سواسية كبال الخالق فلا تحاول تنتقص من الهنود لان اكيد همة احسن منك لان مبين انتة مو بس ما تفتهم لا واصلا اخلاق ما عندك وجريمة انتة تصير طبيب والمفروض الحكومة تسد كليا الطب العراقية لان دا تخرج نماذج عدوانية مثلك الرجاء ياوكالة براثا النشر ...مع تحياتي لكل طبيب انساني شريف وخلوق
سرمد
2011-12-10
للذين لا يعلمون اود ان اطلعهم على بعض الامور التي يجهلها كل الناس من عدا الاطباء....هل تعلمون بان المستشفيات اصبحت لا تادي الغايه المرجوه او الصحيحه ؟؟؟؟ في الحقيقه ان 70% من التحاليل الضروريه و يمكن اكثر من هذه النسبه هي غير متوفر مما يضطر الطبيب ان يعالج بدونها او ان يرسل المريض خارج المستشفى لاجرائها....قد لاتعلمون ان اي مريض يدخل المستشفى في الدول الغربيه تجرى له مجموعة تحاليل قد تصل الى 25 تحليل او اكثر كمرحله اولى ....و في الواقع و بكوني طبيب اعلم جيدا ان هذا هو الصحيح وانتم لاتعلمون......
طبيب عراقي
2011-12-10
واضح انك لم تقرا المطالب اخي العزيز .. سيدي هناك فرق لاتعلمه الناس بين المقيم والاخصائي .. فالمقيم يبقى حوالي 15 سنة بعد التخرج ليحصل على الاختصاص حتى يفتح العيادة .. مع الاسف الناس عبالها هذا طبيب اذن كرف وفلوس .. وخلال هذه الفترة يعاني الامرين من تنقلات من مناطق لا تخطر ببالك و من محافظة الى اخرى فلا يعرف اي شئ عن عائلته او حتى اي استقرار عائلي ... كل هذا بعنوان الانسانية التي يزايد عليها الكثيرون كون مهنتنا ترتبط بالحياة والموت مباشرة ... سيدي المواطن اني لا اريد ان امدح بنفسي لكني والله يشهد على كلامي لم اقصر مع اي مريض و مستعد للمحاسبة على عملي في الدنيا قبل الاخرة وما الذي القاه في مقابل اداء واجبي باحسن صورة وتغربي عن اهلي و عائلتي .. الاعتداءات والتهجم من بعض الناس لا لشئ سوى ان النظام الصحي و روتينه قاس و خاطئ .. هل تعرف باحد الاخصائيين الذي يملك شهادة عليا من الخارج و كشفيته عشرة الاف دينار فقط قد خطف وتعرض للضرب من اجل المال .. طبعا لم ولن تعرف لانه و مع الاسف الشعب العراقي الحنين لا يحب الاطباء و ياخذهم بذنب الفئة الخاصة من الاطباء الانتهازيين ... سيدي العزيز اقرا المطالب بعقل متفتح و اعلم ان الطبيب العراقي هو مواطن يعاني من قلة الكهرباء والازدحامات و الظروف المعيشية القاهرة والايجارات نضيف لها غلاء وسائل النقل للجبايش والنهروان والقائم البعيدة كل البعد عن اي مواطن .. تحياتي للشعب العراقي العجيب
الطبيب المغبون
2011-12-10
ليش من يطالب الطبيب بحقه يكولوله خدمتك الانسانية ,ليش هو ابوعلي لو ابو كرار من تجي بشغله ويدري بيك طبيب مو يسلكك سلك ,وهو نايم بالعيد والعطل بالبيت والطبيب مشمور بالمستشفى ويكلك خدمتك انسانية, وهذا ابو الهنود لوبي حظ صير مثل الهنود من يعاملون اطبائهم وتعال احجي
سامان العراقي
2011-12-10
تحية حب واحترام الى الاطباء الابطال في عراقنا الحبيب الذين يبذلون اقصى جهد من اجل انقاذ ارواح الناس من الهجمات الارهابية والانفجارات اليومية والذين لا تزاال صداريهم البيضاء لا اقول تتلوث او تتسخ بل اقول يزيدها شرفا وفخرا ان تتشح بلون الدم العراقي الطاهر في منظر غير محبب ولكن قدر محتوم وهو دليل على تفانيهم في انقاذ الناس من الموت ... سؤالي الا يستحق الاطباء ان نبدي لهم على الاقل القليل من الاحترام بدل التهجم عليهم والاعتداء بالسب والشتم واحيانا كثيرة بالضرب؟ اتقوا الله في اطباء العراق ولا تظلموهم
د. ضي
2011-12-10
الى مراقب اخي الكريم, شعارنا هو" اطباء للاصلاح والتغيير" اقتضى التنويه ونرجو من موقع براثا نقل الصورة الحقيقة بدقة اكبر, مع الشكر
صوت الحق
2011-12-10
الأخ م واثق الموسوي .. أكيد كلنا الأطباء و غيرهم هم خدام هذا البلد المجروح و أثبتوا للجميع يوم المر بلدنا بأصعب و أبشع أيام هم الأيادي المباركة التي أطبب جراحات الفقراء يوم الي ما بقت لا دولة و لا شرطي و لا موظف يوم الشرد الجميع و هم البقوا يلزمون خفارت و يسهرون و يعالجون بالموجود و المتوفر و يا لقلة المتوفر أنذاك و الأن!!!. حضرتك ما دا تعجبك النبرة! أخي أنصرهم أذا كنت تحب العراق لأن الأطباء الهنود ما راح يفيدوك هاي اذا اجاوه أصلا ... عجبا على مواطنين يدعون الى هدر دماء و تهجير أطبائهم !!!!!!!
م واثق الموسوي
2011-12-10
والله الصراحة قبل فترة شفت حالتين بيوم واحد جانت عندي مراجعة في العراق اول حالة طبيب مقيم خوش انسان واحد من المراجعين سب الطبيب .وحتى راد ايمد ايده عليه احنة الصراحة حلينة بيناتهم يعني فاككناهم لان صارت سوك مريدي بنفس اليوم بعد ساعتين طبيبة نسائية اجاهة مراجع حالة بنتة . خطرة انحنى دا يبوس حذائها وهية ولا كانما تالي كلتلة بنتك ما مراجعتني من جانت حامل اني مالي علاقة بيها وبنتك راح تموت ما تطول المهم البنية ودوها لبغداد والحمد لله ما كو شي والطبيبة الان معاون مدير مستشفى الصويرة منو سبب منو ؟
م واثق الموسوي -العراق
2011-12-10
تعليقات كثيرة جدا والاطباء تكلمو ا كثيرا ولكن لم اجد بين من علقو ا من تكلم عن معاناة المواطن العراقي اخوان مهنتكم الطبية انسانية قبل لا تكون اي شي اخر والناس غالبيته فقرا داكهة الفقر للقاع وهذا كلامكم مع احترامي الكم مو كلام ناس يمتهنون اسمى واعلى مهنة انتو المفروض قدوة لغيركم مو تتكلمون عالناس وكانما الناس حيوانات وشنو هاي نبرة التعالي عندكم احنة المفروض اذ طبيب واذا مهندس نصير خدم لهذا الشعب واذا تشوفون ما يستاهل سافرو لغير دول نجيب اطباء هنود وي كل طبيب هندي نوظف مترجم العراق ما يوكف على احد
د. علي الساجي
2011-12-10
السلام عليكم.. ابو علي هل انت موافق على راي المتطرفين الي اهدروا دم العراقيين عامه و الاطباء خاصه؟؟؟؟؟!!!!! و ردا على كلامك .. ابو علي انت ما تعرف احنا شنو دا انعاني بالمستشفيات و كل طبيب يشوف بال200 مريض باليوم و يعالجهم لا يهمه من هو هذا الانسان و لكن يهم الطبيب ماذا يعاني. و ما اعتقد اي موظف بالعراق يشتغل مثل شغل الطبيب ابدا بالنسبه لساعات العمل و الجهد الي يبذله.. و بالنسبه للكشفيه اذا انت ما عاجبك تروح للعياده فاكو مستشفى و عيادات خارجيه و تكدر اتشوف نفس الطبيب بدون كشفيه.
د.حيدر العبادي
2011-12-10
المتطرفين افتوا بهدر دماء كل العراقيين بما فيهم ابو علي الورده ... من جهه ثانيه المال هو اساس من اساسات الحياة ..و ابو علي الورده يحجي على الاطباء الي يطببون خمسه خمسه...يا اخي لا تروحولهم !!! لو مجلبين بيهم شيسوون خل يسوون هو فاتح دكانه و يشتغل طبيب بقطاع خاص....قاطعوهم بدل ...بدل ما ذكرنا بالمتطرفين!!! يا ابو علي الورده!!!! ارجوا ان تنقل هذه الرساله ل موقع ابو راثا المحترم.
ابو كرار
2011-12-10
اولا اخ ابو كرار العزيز .. المال التي تتكلم عنه وكأنه يؤخذ غصبا من الناس هو من ضروريات الحياة و ليس الاساسيات التي اتفق فيها القديم و الجديد و القاصي و الداني ولم يكن هو سبب هذا الاعتصام اذا قرأت بنود الاعتصام جيدا ؟؟ و ثانيا اتحداك ان تتكلم هذا الكلام على اي صاحب صنعة حرفية (فيتر . حداد . خلفة مال بناء ) عندما يطلب الاف مؤلفة لقاء اعماله وهو لم يجتاز التعليم الابتدائي جزما ؟؟ ليس لكونه يستحق و الطبيب الذي افنى عمره لخدمه البشر لا يستحق لكن الطبيب هو الاضعف في مجتمعنا ..ولن نكون الاضعف بعد الان
صوت الحق
2011-12-10
أيها الأخوة ألأفاضل من حق كل مظلوم المطالبة بحقه المسلوب المغتصب و فئة الأطباء ظلمت لعقود و هم رسل الأنسانية و أيات الله الساهرة على علاج مرضاها و راحتهم في بلد ابسط ما يقال عن نظامه الصحي منهار! فقد أصبحوا غرباء في بلدهم بين المطالبات العشائرية التي ما أنزل الله بيها من سلطان و أعتداء المرافقين و المراجعين و لقمة سائغة للارهابيين و المتطرفين و قطاع الطرق.. حتى هاجر منهم الكثير و بقى منهم القليل الذين صبروا و صبروا و ليس هناك من حامي مدافع غير الله جل جلاله. أنصفوا أطبائكم و أتقوا الله فيهم
د.علاء
2011-12-10
الطبيب العراقي يستحق افضل من ذلك بكثير ومع الاسف محد يقدره في بلده بس من يطلع من العراق يحس بقيمته كانسان وكطبيب.اني طبيب عراقي ادرس في بريطانيا ولمن اشوف الاطباء هنا احس بغبن شديد..بس حبيت اكول للاخ ابوعلي انه هنا الطبيب اليشتغل بالحكومة ميصير يفتح عيادة بس الحكومة تدفعله راتب ميحلم بيه صاحب اي مهنة اخرى بحيث تغني عن ممارسة العمل الخاص وهيةاللي تحددله عدد المرضى والوقت لكل مريض حتى حتى ميتعب الطبيب وحتى ينطي المريض حقه.اما الاطباء الجشعين فموجودين في كل زمان ومكان بس نسبةقليلةولايمثلون الكل
دكتور
2011-12-10
الاطباء يتعرضون الى تجاوز من قبل المراجعين بشكل لا يطاق ... من جهه .. ولدي سؤال لمذا كل الموظفين في كل الدوائر محرتمين والمراجع ما يكدر يفتح حلكه بحجايه زايده بس لمن يوصل الامر للطبيب مو بس يطلع لسانه لا ايده ورجله ومسدسه و ووو ايها الشعب نحن الاطباء بدانا نهان ونظرب في موقع عملنا و بالاضافه الى الامور العشائريه التي تجعل الطبيب في حيره من امره حيث اذا تدخل بشكل علمي وصار شي على المريض هاي الله الي كتبه له ودخل في امور الفصل وامور الجاهليه... بعد ما اريد احجي لان كلبي خلصان من هاي الامور..
طبيب عراقي مغترب
2011-12-10
كلامك صح اخ ابو على لذلك الاطباء يطالبون بقانون يحمينهم قبل لا ينهدر دمنهم مثل ما انهدر دم هواي عراقيين ابرياء واني احيي كل اطباء العراق الابطال والي يستحقون 1000 % خطورة ويمكن اكثر لان يعملون باسوء الضروف ونقذوا حياة الاف الاشخاص تحياتي لكل اخواني الاطباء في العراق وامضوا في مطالبكم
د.علي ابو الحسن
2011-12-10
ادعو كل من يدعو الى سفك دماء الاطباء الم تشبعوا من سفك دمائنا! فليس عجيبا بكم فهذة ثقافاتكم التي تربيتم عليها فبئسا لكم و لكل من يحل دمائنا امثال ابو علي و اذنابه
dr.iraq
2011-12-10
اخواني الذين ربما من حقهم النقد ولكن من باب اولى ان يعلموا الحقائق جيدا...لا داعي لالفاظ مستفزة لشريحة تكاد تكون من الشرائح القليلة في المجتمع التي تقدم خدمة فعلية لابناء وطنها ولم تفكر بمادية مع انه حق كون الطب مهنة اي مصدر للعيش..ودمائنا هي دمائكم فتخلوا عن تلك الكلمات التي اوصلتنا الى قاع المجتمعات ... الطبيب يتعرض لضغوط شتى ومن كل الجهات ..سأرد على تعليق اخي ابو علي لانه صراحة يسمع باذن واحدة ويتكلم ..اتمنى ان اقضي نصف ساعة مع كل مريض ولكن هل تضمن لي ان يكون عدد المراجعين 10 فقط؟تراحموا
د.محمد ابراهيم الوكيل-عضو اللجنه التنسيقيه لأعتصام
2011-12-10
اود ان انوه ان السبب الرئيسي لأعتصام الاطباء يوم الاحد القادم ليس سببا ماليا فحسب أنما هو خطوه أولى لأيصال صوت شريحه الاطباء المهمشه والمغبونه التي تعاني الكثير من سلوك بعض الاشخاص الذين لايقدرون مهنه الطب ولايعيرون اهتماما لتطويرها والرقي بمستواها بمايعود على الطبيب والمريض على حد سواء بالمنفعه والفائده بمايحقق تطور في الرعايه الصحيه في عراقنا الحبيب
طبيب
2011-12-10
ارجوك اخي ابو علي هذا الي تحجي عليه بالنسبه لاسعار العمليات والوقت المخصص للمريض هذا شي متفق عليه من وزاره الصحه مو من الطبيب شخصيا اما بالنسبه للكشفيه !! فهذا خاص بالطبيب (الاخصائي) واحنا هنا نتكلم عن الطبيب الي يشتغل بالمستشفى وماعنده عياده والي يكعد بالطوارئ ويشوف اشكال والوان وحشاك يجي واحد قذر ومتخلف بس ينتمي الى جهه معينه يهين الطبيب ويسبه ويصيح عليه وفي مكان عمله والطبيب يبقى عاجز عن فعل اي شي ..... وبعدين وين اكو شي ب 5 الاف ؟؟؟ هسه بالعراق ....
د.نيوار محمد
2011-12-09
نارجوا من ابناء شعبنا الكرام ان يفرقوا بين الاطباء الاخصائيين الذين عندهم عيادة والمقيمين الذين يديرون المستشفيات 24 ساعة وبراتب هزيل لايصل الى راتب شرطي (احترامي)ومحرومون من ابسط حقوقنا كالحماية والاضطهاد والتعرض الشفوي والجسدي من قبل اصحاب النفوس الضعيفة وبعدها الراتب الهزيل......نحن نريد ان نسترد حقوقنا المسلوبة ونقف الى جانب الشعب العراقي لتحسين الوضع الصحي وتقديم افضل الخدمات لهم لان وبكل يساطة (نحن ضحايا الفساد الاداري وندفع ثمن غياب الحماية و الخدمات في المستشفيات لاننا في الخطوط الامامية
مراقب
2011-12-09
كل فئة لها الحق بان تطالب لكن ما اسوقفني بل استفزني هو شعارهم بعيد كل البعد عن انسانيتهم نعم الخطورة من حقهم ولكن ليس من اللائق ان يكون شعار الانسان ولاسيما المثقف المال
ابو علي
2011-12-09
ادعو الاطباء ان يحققوا رسالتهم الانسانية اولا قبل المال . فقد بدء الشعب وخاصة الفقراء يكفرون بهم وبرسالتهم التي اظهرها البعض بصورة وحشية . اعيدو الكشفية الى 5 الاف ,خفضوا اسعار العمليات الى النصف او اكثر ,ليدخل المرضى على الدكتور واحد واحد ولكل مريض ربع ساعة و لا نقول نصف ساعة كما في اوربا ,بدلا من 5 مرضى كل 5 دقيقة كما هو عليه الحال اليوم .اتقوا الله فينا والا لا تستبعدوا ان يفتى بهدر دمائكم من قبل المتطرفين .اكسبوا الشعب ايها الاطباء ليحميكم ,فالمال لايحميكم ويحتاج الا من يحميه .
آخر الاضافات
هزة أرضية تسجل في البصرة ويشعر بها الأهالي
وزير الكهرباء يؤكد لطيف سامي: استقرار موازنة التشغيل أساس لديمومة المنظومة وتحسين التجهيز
توضيح من التربية بشأن تحسين المعدل والمحاولات
المرور: اتخاذ الإجراءات القانونية ضد مواطن اعتدى على منتسب أثناء تأدية واجبه في نينوى
البرلمان: 81 مرشحاً تقدموا للترشح لمنصب رئاسة الجمهورية والتدقيق مستمر
وزارة الصحة تنفي كتاباً مزوراً يخص تعيينات خريجي كليات الطب
سماحة السيد محمد رضا السيستاني : نرفض طرح أسماء المرشحين لمنصب رئيس الوزراء علينا فلماذا إعادة المحاولة؟
البرلمان يستضيف وزيري الخارجية والموارد المائية الأسبوع المقبل
وزيرة المالية: ناقشنا مع وزارة الكهرباء تفعيل الجباية الإلكترونية لزيادة الموارد
رئيس هيئة المنافذ الحدودية ينفي وجود أي منفذ غير رسمي في الوسط والجنوب
الاكثر مشاهدة في (الأخبار)
الاسعار الرسمية للعملات مقابل الدينار
التعليقات
طاهر باقر : انا استغرب لماذا لابد ان يقدم شاب عراقي على الانتحار من اجل مسألة تافهة مثل هذه القضية ...
الموضوع :
انتحار طالب بعد عودته من الامتحان في واسط
باقر : والنعم من النواصب الدواعش والجولاني ..... والنعم من اتباع الصحابة ...
الموضوع :
الاردن يطرد عدد من اطفال غزة المصابين وعوائلهم بحجة ان الاردن مفلس
علي : السلام عليكم ورحمة الله وبركاته نتمنى من أدارة المطار أن تسمح بدخول السيارات لأستقبال المسافر لأن نحن ...
الموضوع :
وزارة النقل تعلن قرب افتتاح ساحة النقل الخاص بمطار بغداد الدولي
الحسين بن علي : الحفيد للجد السعيد ياجد عُد فكلنا اشتقنا لرؤياك وضحكة محياك ياعذب الماء ...
الموضوع :
صورة لاسد المقاومة الاسلامية سماحة السيد حسن نصر الله مع حفيده الرضيع تثير مواقع التواصل
باقر : انت غلطان وتسوق الاوهام.... حثالات الأرض هم أهالي تكريت والانبار وديالى والموصل.... ...
الموضوع :
حماقة البعث والوجه الآخر لتكريت.
ضياء عبد الرضا طاهر : حبيبي ھذا الارھابي محمد الجولاني ھو مثل جورج دبليوا بوش الصغير وترامب صعد وصار رئيس واستقبال حافل ...
الموضوع :
صورة للارهابي ابو محمد الجولاني عندما كان معتقلا في سجن بوكا عام 2005
----خلف ناصر عبد الله : اتمنى لكم التوفيق والسداد بحوث روعه غيتها اعلاء اعلام دين الله سبحانه:؟ ...
الموضوع :
تفسير "هذا صراطُ عليٍّ مستقيم" (الحجر: 41)
منير حجازي : العلاقات التي تربط البرزانيين بالكيان الصهيونية علاقات قديمة يطمح الاكراد من خلالها أن يساعدهم اليهود على إنشاء ...
الموضوع :
النائب مصطفى سند يُحرك شكوى ضد ممثل حكومة كردستان في المانيا دلشاد بارزاني بعد مشاركته احتفال في سفارة الكيان الصهيوني
منير حجازي : الاخت الفاضلة حياكم الله نقلتي قول (أنطوان بارا) في كتابه الحسين في الفكر المسيحي وهو يعقد مقارنة ...
الموضوع :
الحسين في قلب المسيح
ولي : بعد سنوات اليوم يقبل ابناء عنيفص منفذ المقابر الجماعية بحق الانتفاضة الشعبانية ١٩٩١ في الكلية العسكرية بينما ...
الموضوع :
محكمة جنايات بابل تحكم باعدام الارهابي رائد عنيفص العلواني قاتل 26 مواطنا ودفنهم في حديقة داره ببابل
فيسبوك